تحدث النجم وليد توفيق عن كواليس أحدث أعماله «شكثر مشتاق»، عبر مداخلة فى برنامج «اليوم هنا القاهرة» تقديم الإعلامى محمد الدسوقى رشدى على قناة «مودرن MTI

وقال وليد توفيق عن تقديم أغنية من التراث بشكل جديد: «لما بحس إن أغنية دخلت جوايا وإنى قادر أقدمها بأسلوب تانى بعمل كده.. أكتر من 5 مطربين غنوا أغنية My Way فى الغرب. كلمت المطرب عز الدين الفراتى والشاعر وعرفت إن الفلكلور اسمه اللطمة، انبسطوا أوى وقالوا يا ريت تغنيها، والحمد لله رد فعل الناس جميل جدًا».

وقال وليد توفيق عن كليب الأغنية: «النهارده فى موضة اسمها الذكاء الاصطناعى، أنا ضد إن الغناء يكون بالذكاء الاصطناعى لأنك بتغنى بعينيك والإحساس لازم يبان ويبقى حقيقى، فعادى تستعين بيه وتستفيد منه لكن غلط تتكل عليه.. المخرج كان عايز يعمل الكليب كله بالذكاء الاصطناعى وأنا رفضت، وقلتله لازم أغنى بإحساسى ولازم وشى يعبر عن الشوق والحب، فاتفقنا أغنى لايف وياخد صور بأماكن معينة ويدخل الـAI عليه».

وعن تعاونه المقبل «إنت واحشنى كتير» مع صابر ارباعى، قال: «بعد ما لحنت لصديقى الفنان الكبير هانى شاكر أغنية »كيف بتنسى«، عرف أصحابى المطربين إن أنا ملحن لانى مكنتش بقولهم، على الرغم من تلحينى أغانى مثل »وحدك حبيبي«، »إنزل يا جميل على الساحة«، و»على كبرى 6 أكتوبر«. أنا بكون عامل الأغانى ليا، لكن هانى شاكر حبها وقلتله غنيها بكل محبة وسرور، لأن حاجة تفرحنى إن مصرى عظيم يغنى أغنية باللبنانى وأغنية »إنت واحشنى كتير« من تلحينى وغناها صابر الرباعى وتم تسجيلها خلاص وهنسمعها قريبًا».

ووجه المطرب رسالة لفضل شاكر قائلًا: «دائمًا بدعى لفضل شاكر بالإفراج لأنى واثق إنه لم يقتل حتى عصفور ولكنه حمل سلاح الله يسامحه ولم يرتكب أى شيء ضد أى عسكرى أو حد من الجيش وأنا واثق إن البراءة تقترب وإنه هيرجع لجمهوره. كان عنده سكر وضغط قبل الخروج من المخيم، وده زاد لما دخل الحبس».

وعبر وليد توفيق عن سعادته بتأهل مصر فى دور الـ32، وعلق «ده أنا قعدت أرقص لما مصر تأهلت فى كأس العالم.. أنا دائمًا بقول مصر بخير إذًا العالم العربى كله بخير.. ولبنان لن ينسى مصر ودايمًا بنقول لو مأخدناش جواز السفر من مصر، يبقى مأخدناش الشهادة فى الفن».

وأضاف: «أغنية »إيه العظمة دى كلها« لما كنت ماشى فى السيارة أثناء مباراة الأهلى والزمالك، كانوا بيقولوا فى الملعب »أه يا شحاتة يا أبهة« فهى معمولة للملعب أصلًا ورجعت للملعب تانى لما غيرت كلماتها وكتبت »أه يا مصرى يا أبهة« واستعانت بالذكاء الاصطناعى عشان أضيف صورتى فى الاستاد مع المشجعين».

ووجه وليد توفيق أيضًا رسالة دعم لـ شيرين عبد الوهاب، وكشف «أنا أول من راهن على شيرين عبد الوهاب وقلت فى بدايتها إنها هتبقى مطربة الوطن العربى وحصل.. مش عايز أتكلم عن مشاكلها لكن ربنا يديها الصحة وترجع تمتعنا لأن لا بديل عن شيرين. أنا بحترم صوت أنغام وأمل ماهر، لكن شيرين هى شيرين وانا ضد المقارنة. الفنانين زى الورد. ريحة الياسمين حاجة وريحة الفل حاجة».

وأعلن المطرب عن أغنيته المقبلة: «بعد شكثر مشتاق، عاملين أغنية فى الصيف اسمها »مبسوط« ولكماتها »مبسوط مبسوط أنا رايق ومبسوط«، وعبارة عن شلة مبسوطة وانتهينا من تسجيلها امبارح. فى واحد فى الكورال قال »مش مبسوط« كان هيبوظ الأغنية».