استضافت الإعلامية بسمة وهبة، الفنان حسام حبيب ، خلال برنامجها «العرافة»، المعروض على قناتي «النهار» و«المحور»، إذ تحدث «حبيب» عن علاقته بطليقته الفنانة شيرين عبدالوهاب، والأزمات التي تعرضا لها خلال فترة زواجهما.

وقال حسام حبيب خلال البرنامج: «أنا لسه بحب شيرين عبدالوهاب، رغم كل اللي حصل بيننا، وهفضل أحبها مهما عملت، ولما كنا متجوزين كنت ببصلها بس وأنام زي الأطفال، أنا مريض بشيرين عبدالوهاب وبترعب لما تبعد عني، ولسه لحد دلوقتي باقي على العشرة اللي بيننا».

وأضاف: «هي قالت إنها مش هتخليني أعرف أمشي في الشارع، بس أنا مريض بيها، مش قادر أبعد، ومش بحب الانفصال، ومرتبط بكل ذكرى ومشاعر وحتى كل خناقة بينا، وأنا عملت معاها اللي مش بعمله لنفسي، لدرجة إني كنت ممكن أحيي أفراح للناس وأدفع فلوس من جيبي عشان أساعدها وأنا كنت الوحيد اللي مستحملها وبحاول أحميها وأدعمها بدون مقابل».