في خطوة جديدة تعكس تحوّلًا جذريًا في مسيرته، أطلق مؤخرًا مطرب المهرجانات السابق على قدورة البرومو الرسمي لبرنامجه الديني الجديد «نقطة ومن أول السطر»، وذلك عبر حسابه الرسمي على إنستجرام، حيث ظهر في البرومو بروح مختلفة وكلمات مؤثرة عبّر فيها عن التوبة والتغيير.

وكتب قدورة في تعليقه على البرومو: «الموت المفاجئ ده بيجي في لحظة يغير كل حاجة.. المهم إنك متبقاش غريب عن نفسك.. يا ترى قلبك نضيف؟ خلي اللي فات فات، واللي جاي يبقى نقطة ومن أول السطر».

البرنامج يأتي بعد إعلان على قدورة اعتزاله الفن نهائيًا عام 2023، حين فاجأ متابعيه على« فيسبوك» ببيان صريح قال فيه: «أنا على عبدالقادر السيد، الشهير بـ على قدورة، كنت مغني قبل النهاردة. في حاجة حصلتلي مش عارف إيه هي، بس هي اللي خلتني أتكلم. أنا بريء من كل عمل أو مزيكا عملتها في حياتي، وبعلن اعتزالي عن مجال الأغاني لحد ما يفتكرني ربنا».

وأضاف: «مش فارق معايا أبدأ من الصفر في أي شغل بالحلال، وربنا هو الرزاق الكريم، «نقطة ومن أول السطر» يُعد أول تجربة إعلامية دينية لعلي قدورة بعد الاعتزال، ومن المنتظر أن يتناول البرنامج رسائل توعوية وإنسانية مستوحاة من تجاربه الشخصية، ويعكس رحلة العودة والبحث عن السلام الداخلي.