حرصت الفنانة مي عمر على بعث  رسالة لزميلاتها الفنانات طالبتهن فيها بمحاولة الابتعاد عن الخلافات ومن يتصدر التريند ومن الأكثر مشاهدة والعودة لما كان يحدث في الماضي.

صرحت عمر في إحدى اللقاءات قائلة:" نفسي إن إحنا نرجع زي زمان ودا اللي كنت بحاول أعمله الفترة اللي فاتت، زمان مكانش فيه أن إحنا نقعد نعلي على بعض وأنا أعلى، ساعات بيبقى في حد رقم 1 وساعات بيبقى في حد رقم 2 يعني كل واحد ليه وقت في الموسم وكلنا عندنا أعمال كويسة وأعمال مش أحلى حاجة".

استكملت مي عمر حديثها:" لازم كلنا ندي مثال كويس للناس إننا نبارك لبعض وكلنا بنتمنى لبعض الخير وفي الآخر النجاح دا بتاع ربنا".

يعرض لمي عمر فيلم "شمشمون ودليلة" الذي تنافس به في موسم صيف 2026، وقالت عن الصعوبات التي واجهتها خلال التصوير وإصابتها في أحد المشاهد: "كنت طالعة أجري وأنا في الفيلم في عصاية في الجزمة بطلعها وأنا بطلعها وبجري ومش واخدة بالي العصاية خرجت ووقعت واتكعبلت فيها، حسيت أن أنا أكيد مليون في الميه اتكسرت بس رشيت سبراي وتلج وقمت كملت، أنا حبيت الأكشن أحمد السقا يخاف مني، هو فيلم لذيذ أنا خارجة من رمضان من دور تقيل أوي".

فيلم "شمشون ودليلة" من بطولة أحمد العوضي، مي عمر، أحمد عصام السيد، ريتال عبد العزيز، محمود البزاوي وانتصار وخالد الصاوي، محمد ثروت، عصام السقا، وتأليف محمود حمدان، وإنتاج أحمد السبكي وكريم السبكي، وإخراج رؤوف السيد.