حكى الفنان بيومي فؤاد عن العديد من أسراره الشخصية وذلك خلال لقائه مع برنامج «مش شنطة رمضان» اثناء تصوير مسلسله الجديد «قهوة المحطة» بطولة الفنان أحمد غزي، والذي من المقرّر عرضه في موسم رمضان 2025.

وقال «بيومي» في لقائه ببرنامج «مش شنطة رمضان»:«أول خروجه مع مراتي كنت في المستشفى كنت تعبان، و أول هدية كانت لمراتي في عيد ميلادها جبت تورته، وأول هدية هي جابتها كانت قميص وبلوفر»

وأضاف :«اللغز اللي هيجنني، ليه دايما بنصور في رمضان واحنا ممكن نخلص قبل شهر رمضان، وده لغز هتجنن منه، وأقرب خيط لقلبي هو أكله حلوة، لان بيومي فؤاد انسان بسيط جدا واللي بيعاملها كويس بيكون معاه كويس جدا، وعايز أقول أن الصراحه دايما بتزعل، لما بتكلم بصراحه مع حد بيكون زعلان».

وعن سبب تسمية المسلسل بـ«قهوة المحطة» رد «بيومي» قائلا:«عشان الاحداث كلها بتدور على قهوة المحطة، صحيح اننا بنروح بيوت و بنقابل ناس خلال الاحداث، ولكن اللوكيشن الأساس قهوة المحطة»

قنوات عرض مسلسل «قهوة المحطة»

يُعرض مسلسل «قهوة المحطة»، على شاشة قنوات الشركة المتحدة للخدمات الإعلامية، وهي «cbc» و«ON» ومنصة «واتش آت».

مسلسل «قهوة المحطة» بطولة أحمد غزي وأحمد خالد صالح ورياض الخواي وهالة صدقي وبيومي فؤاد، ومن تأليف عبدالرحيم كمال وإخراج إسلام خيري.

يذكر أن المسلسل بطولة جماعية للنجوم ويعرض في 15 حلقة تدور أحداثها في إطار اجتماعي مشوق، إذ تتخلله جريمة تتصاعد من خلالها دراما الحلقات.