كشفت الفنانة تارا عماد خلال لقائها مع الإعلامي أنس بوخش في برنامج After ABtalks عن علاقتها بوالدها.
قالت تارا عماد:" والدي ملوش دور في حياتي ودا بطلب مني، ممكن نقول أنه طلب يرجع ويتواصل لكن أنا أفضل أنه لأ".

استكملت عماد حديثها:" أصحابي شافوه في عزاء والدتي لكن أنا مش فاكرة حاجة، في ناس كتير سلمت عليهم، سامحت والدي عشان نفسي ومن مسامحتي ليه قررت إني عايزة أخد بالي من نفسي ومش عايزة علاقة معاه السماح أنا مش غضبانة ولا حزينة ولا بعاتبه ومش شايلة جوايا أي حاجة غير إني عايزة ابقى مستريحة مش عايزة أشيل هم حد أشيل هم نفسي وبس".

أكملت تارا عماد: "ممكن تكون ناس شايفة إني شريرة إني مش عايزة يبقى عندي أي نوع صلة مع والدي بس أنا دا اللي مريحني، آخر مرة والدي كان في حياتي وأنا عندي تقريبا 23 سنة، هما اتطلقوا بدري أوي، ومكنش موجود كتير في حياتي، مامتي كانت بتنصحني أعملي اللي يريحيك بس أنتي هتضايقي لو حاجة حصلت له".

أنهت عماد قائلة:" لو توفى ممكن أروح الدفن والعزاء معرفش وقتها هحس بإيه، علاقتي معاه ضئيلة أوي على مدار السنين اللي كنت عارفاه فيها ومش حاجة حاسه إني ممكن ابني عيلها أحاسيس بالوجع والقهرة والانهيار".

يذكر أن تارا عماد شاركت في رمضان 2025 بالجزء الثاني من مسلسل "جودر"، و شارك في بطولته الفنان ياسر جلال، نور اللبنانية، ياسمين رئيس، أحمد فتحي، وليد فواز، وفاء عامر، أيتن عامر، سامية الطرابلسي، عبد العزيز مخيون، أحمد بدير، محمد التاجي، جيهان الشماشرجي، أحمد ماهر، عايدة رياض، محمود البزاوي، فتوح أحمد، محمد علي رزق، إسلام حافظ، مجدي بدر، هنادي مهنا، تأليف أنور عبد المغيث وإخراج إسلام خيري.