خرجت الفنانة جيلان علاء عن صمتها لتدافع عن زواج ابن خالتها، أدهم تامر، من عروسه سما رامي، من ذوى الهمم، وذلك بعد حالة الجدل التى صاحبت إعلان زواجهما عبر منصات التواصل الاجتماعي.

كتبت جيلان علاء في منشور عبر حسابها الرسمي بموقع فيس بوك: «معلش أحب أرد بس بصفتي بنت خالة أدهم تامر العريس فقرار جواز سما وأدهم دة قرار اتنين بالغين عارفين هما بيعملوا إيه وليهم أحاسيس ومشاعر وبني أدمين وليهم أهل مثقفين ومتعلمين وعارفين ولادهم بيعملوا إيه».

استكملت: «خالتي والدة أدهم الدكتورة ندى أبو المجد دي من أشطر وأشهر دكاترة الإدمان في مصر ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوي، فطالما الزيجة دي مش هتضر حد في حاجة يبقى بلاش نعكر فرحتهم ولا فرحة أهلهم».

اختتمت جيلان علاء: «عشان إحنا كلنا كنا فرحانين ومبسوطين من قلبنا عشان دول أنقى وأطهر من خيالكوا.. اتمنوا لهم الخير والفرحة والسعادة وبس».

انتقدت والدة العروس تصريحات جوري بكر، وكتبت على حسابها بموقع فيس بوك: «محدش يرد على النكرة اللي محدش يعرفها غير أهلها عشان هو ده هدفها تركب التريند وأهو بالمرة الناس تعرفها يمكن تشتهر والناس تعرفها يا حرام».

كانت الفنانة جوري بكر أثارت ضجة واسعة وجدلًا كبيرًا، بسبب موقفها الرافض لزواج فتاة من ذوي الهمم.

كتبت جوري بكر: «أنا ضد زواج ذوي الهمم، شوفت بوست واحدة من ذوي الهمم بتتجوز، هل ده في شرع ربنا؟ هل دول يجب عليهم الزواج؟ ولا الناس بتاخد الكلام على مزاجها؟».

تابعت جوري حديثها: «عشان لو ده حصل، يبقى حرام وربنا ميرضاش بيه، الأطفال الأبرياء دول مش بيتجوزوا، من إمتى الداون بيتجوز؟!».