- مهرجان هوليوود للفيلم العربي يكرّم السوبر ستار «أحمد حلمي» بجائزة الإنجاز
- جدعة وبنت بلد.. مي عز الدين تشكر ياسمين عبد العزيز لمساندتها
- فيفي عبده: فخورة بمشاركتي في «العتاولة 2»
- رانيا يوسف: مسلسل «نص الشعب اسمه محمد» يتناول مواقف كوميدية مستوحاة من الواقع
- محمد سامي لـ رامز جلال: «أنا عايزك تعمل مقلب في منى زكي»
- أميرة رضا تشدو بأغنيات الطرب وسط تفاعل جمهور «هل هلالك»
احدث الاخبار
أخبار النجوم
حسام حبيب عن مقدمة رامز جلال: هزاره تقيل شوية اللي بيقوله مش حقيقي
كتبت: ريهام محمد
رد الفنان حسام حبيب على تعليقات الجمهور حول مقدمة رامز جلال في برنامج «رامز إيلون مصر» وما فعله به خلال الحلقة وإجباره على الاعتذار لشيرين عبد الوهاب.
وقال حسام حبيب: «رامز أكيد بيهزر لأنه عارف أن الكلام اللي بيقوله مش حقيقي طبعا وأنا عارف أن رامز إنسان محترم ولو في حاجة حقيقية مش هيهزر فيها، بس هو هزاره تقيل شوية، أنا مكنتش أعرف هو هيقول إيه في المقدمة بتاعته بس أيا كان هو كله هزار واللي يزعل من الهزار بيصغر مخه ومفيش حاجة تزعلني ولا تهزني لأنه مش صح، وربنا يقدرني وأرد له المقلب».
وتابع حسام حبيب: «عايز أقول للناس اللي بتهاجم أنا لو زعلان، زعلان عليكم مش منكم الموضوع سهل جدا وبسيط ربنا قال «يا أيها الذين امنوا اذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين»، لما يتقال عن حد حاجة اسمعها واحتفظ برأيك متحكمش ومتهاجمش لأن هنا أنت ارتكبت ذنب، لأنك مش عارف الكلام صح ولا غلط وفي الحالتين الموضوع مش موضوعك».
وأكمل حسام حبيب: «أنا لو خايف خايف على الجمهور واللي قال لأن اللي بيعمل كده بينسى أن في ربنا وعارف كل حاجة والحكم ليه هو لو أنا غلطان حسابي عند ربنا ولو مش غلطان موقف صعب جدا بالنسبة لأي حد هاجم من غير ما يعرف».
وتابع حسام حبيب: «عايز أقول للناس اللي بتدافع كتر خيركم ومقدر حبكم بس اعملوا زيي أنا عمري ما دافعت وبقالي سنين بيتقال عني الكلام دا وعمري ما هنزل في المعركة دي أنا واثق من أفعالي وتربيتي».
وكان رامز جلال قال في مقدمة حلقة حسام حبيب ببرنامجه: «صاحب أشهر قصة حب توكسيك في تاريخ الوسط الفني، مصنف كمصاص دماء لضحاياه، ويعد دبور من دبابير الزن على ودان الباحثات عن الحب».
وأضاف رامز جلال: «أفتكر إن فريسته سهلة وهيعرف يقلبها من سكات، اتجوزوا وعاشوا في تبات ونبات، وفجأة بدأت الخناقات والفضايح بقت للركب، والموضوع وصل لمد الإيد وبقى يسمع صريخهم القريب والبعيد، يقول لها إنت مجنونة وعنيدة، تقول له إنت سرقتني وخلتني على الحديدة، معانا المطرب الحساس، اللي مزعل منه كل الناس، الأمور الحبيب».
الكاتب
التعليقات