- أحمد حلمي يطل في رمضان 2026 بمسلسل إذاعي جديد «سنة أولى جواز»
- مي عز الدين تحتفل بعيد ميلاد زوجها أمام الأهرامات (صور)
- طرح البرومو الدعائي لمسلسل أحمد مالك وهدى المفتى لرمضان 2026
- نادي سينما الأوبرا يعرض 7 أفلام على المسرح الصغير الليلة (تفاصيل)
- أمل حجازى تثير الجدل بحديثها عن فترة اعتزالها: «مستحيل أرجع للحجاب»
- 53.5 مليون جنيه تقريبًا.. إجمالي إيرادات فيلم إن غاب القط في مصر
احدث الاخبار
سوشيال النجوم
حمو بيكا: «ندمان إني ما اتعلمتش.. نفسي أمثل ولبسي أنت متعرفش تلبسه»
كتبت: ريهام محمد
عاد مطرب المهرجانات حمو بيكا للتواصل مع جمهوره في بث مباشر عبر صفحته على Facebook، وذلك بعد الإفراج عنه في قضية حيازة سلاح أبيض.
في البداية وجه حمو بيكا رسالة لجمهوره وقال: «الحمد لله أزمة وعدت ويارب ما يكتبها على أي حد خالص الحرية حلوة وياريت كل واحد ماشي في الغلط يرجع عنه وخليك ماشي صح عشان بلدنا حلوة ولازم كلنا نبقى حلوين».
وبعدها بدأ حمو بيكا الرد على أسئلة جمهوره، وكشف أنه يتمنى التمثيل قائلا: «أنا نفسي أمثل بس مش شايف ولا مخرج ولا منتج كلهم بقى مش عارف مشغولين في مسلسلات رمضان، ربنا يكرمنا بمنتج ولا مخرج ياخدنا يعملنا بطولة عشان أنا خلاص جبت أخري وعاوز أخش أعمل فيلم بقى يكون من البداية للنهاية، عشان في ممثلين كبروا المفروض يجيبوا ناس جديد ويطلعوا ناس جديدة».
وعبر حمو بيكا عن ندمه لأنه لم يتعلم قائلا: «التعليم رقم واحد أنا بندم إني مبعرفش أقرأ أو أكتب، كل واحد معاه شهادة يبوس إيد أمه وأبوه، زي ما أنا ببوس إيد أبويا وأمي عشان طلعوني راجل وعمري ما بصيت لحاجة مش بتاعتي».
وغضب حمو بيكا من تعليق أحد متابعيه واتهامه أنه سبب دمار جيل كامل بسبب أعماله وطريقه ملابسه وقال «أنا مدمرتش جيل كامل ليه يعني، اللبس دا أنت متعرفش تجيبه أصلا، يا أما نفسك تجيبه بس معلش يا حول الله يارب، إحنا كلنا ولاد ناس ومتربيين إحنا مش سرسجية».
وأكمل حمو بيكا: «لما دخلنا الغناء إحنا دخلنا بنعبر عن اللي جوانا وكل واحد حابب حاجة بيعملها، اللي حابب يبقى مني هيغني واللي حاب يمثل هيمثل واللي حابب كتور هيبقى دكتور كل واحد بيبقى شاطر في حته بس ركز وخلي هدفك قدامك».
وكانت حكمة مستأنف قصر النيل، قضت بحبس مطرب المهرجانات حمو بيكا 3 أشهر بدلا من الحبس عام لاتهامه بحيازة سلاح أبيض.
الكاتب
التعليقات