شاركت الفنانة حنان مطاوع ، متابعيها، أحدث ظهور لها على شاطئ البحر، وهي ترتدي «مايوه بوركيني»، خطفت به أنظار جمهورها، مشيدين بأناقتها ورُقيها.

حنان مطاوع في المصيف

ونشرت حنان مطاوع الصور عبر حسابها الرسمي على «انستجرام»؛ معلقة: «أنا بعشق البحر زيك يا حبيبي حنون وساعات زيك مجنون ومهاجر ومسافر وساعات زيك حيران وساعات زيك زعلان وساعات مليان بالصبر انا بعشق البحر».

وانهالت عليها تعليقات جمهورها؛ قائلين: «الاحترام والجمال كله»، «جميلة وشيك ومحترمة»، «محترمة والله»، «الله على لبس البحر المحتشم الجميل قمر والله وشيك»، «جميلة ومحترمة بجد»، «جميلة ومحتشمة وراقية»، «فكرة انك من غير full makeup والالماظات ع البحر وفكرة انك بتعرضي حاجك شخصية من غير ما لازم كل تفصيلة ف المايوه تبان وفكرة انسانة طبيعية زي الناس بتخليني احبك اكتر»، «قمر وشيك ومحترمة»، «ممثلة شاطرة وجميلة ومحتشمة وزي القمر»، «التحشم زادك حلا»، «جميلة زمانك والزمن إلى قبلك والزمن إلى بعدك».

نص مشهد حنان مطاوع في «كتالوج»

يذكر أن الفنانة حنان مطاوع  شاركت في مسلسل «كتالوج» ولكن بدور ضيفة شرف، وليست ممثلة أساسية ضمن الأحداث، ولكنها قدمت مشهد درامي تتحدث فيه عن فقدان الأم، وكيف تأثرت بعد رحيلها، وكيف يصعب عليها الاستغناء عن اللون الأسود في ملابسها، كأنها أصبحت ترى الحياة كلها باللون الغامق، بسبب وفاة والدتها التي اختارت أن تفني حياتها في تربيتها بعد وفاة والدها بالمسلسل.

وجاء نص المشهد الذي تصدرت به حنان مطاوع مؤشرات البحث: «أنا كنت فاكرة إني عارفة قيمة ماما بس طلعت مش عارفة أي حاجة.. ومقولتلهاش قد إيه هي مهمة بالنسبالي وقد إيه انا بحبها.. وعلى فكرة ماما اترملت وهي صغيرة جدًا كان عندها 25 سنة، والكل قالها لازم تتجوزي وتجيبي راجل يخلي باله منك ومن بنتك».

وتابعت حنان: «بس كانت بتاخدني في حضنها وتقول دي كل حاجة ليا، دي بنتي وأختي وراجلي.. بعد كل اللي ماما عملته عشاني بيقولولي إني لازم أبطل ألبس أسود.. وأنا أصلًا مش عارفة هكمل إزاي منغيرها؟.. والمركب اللي المفروض إنها تمشي دي تمشي إزاي، ومحدش يقولي إنها كدا ارتاحت لأنها كانت تعبانة لأن موتها مريحنيش أنا.. البقية في حياتك.. البقية في حياتك، أنا مش عايزة حياتي في حاجة».

وأضافت حنان في المشهد: «أنا مش عايزة غير إنها ترجعلي ساعة واحدة.. دقيقة واحدة، حضن واحد بس أقولها قد إيه كنت بحبها.. وأقولها إني مش هاسيب أي رسالة غير لما أرد عليها، ومش هاطنش أي مكالمة ليها.. وأقول خلاص بعدين لما أخلص شغل.. هبقى أرد عليها علشان طلع مفيش بعدين».