كتبت : مريم يعقوب تصدرت الفنانة حورية فرغلي، تريند محركات السوشيال ميديا في الساعات الماضية، بعد استضافتها في إحدى البرامج باليوتيوب وتحدثت خلال اللقاء عن حياتها الشخصية والفنية، وحبها الأول. صرحت حورية أنها في إحدى المرات ارتبطت بشخصًا، لكنها فوجئت بأن هذا الشخص نصاب، وسرق بنكًا، وسافر خارج البلاد، وهو الأمر الذي تسبب لها في أزمة نفسية، بعد خداعها في هذا الشخص حيث صرحت قائلة:: كان في واحد مرتبط بيا، وطلع حرامي وسرق بنوك مصر وسافر، بصيت ملقتوش كان في بينا مجرد تعارف. تابعت حورية فرغلي حديثها مستطردة: أنا بستحمل أي حاجة إلا الخيانة، كل الرجالة بيحبوا البنات اللي أجسامهم حلوة، الجمال عينيك هتاخد عليه وخلاص، لكن اللي بيفضل الروح والشخصية دا الأهم.   تحدثت حورية فرغلي، عن حبها الشديد للتسوق، وشراء الملابس الكثيرة، حيث أشارت إلى أن لديها غرفة كاملة لملابسها، وأثناء عودتها لمصر من إحدى زيارتها لـ دبي، وقفها أحد رجال الأمن بالمطار، الذي فوجيء بـ شرائها 302 بنطلونًا، حيث قالت: رجعت من دبي بشنطة كتير، فرجل الأمن وقفني قالي أنتِ جايبة 302 بنطلون يا مدام، قُلت له والله مش بتاجر بيهم دول بتوعي. علقت الفنانة حورية فرغلي على أزمتها مع حسن شاكوش، بعد أن قالت طليقة الأخير إن شاكوش على علاقة بفتاة ثالث حرف من اسمها راء، وربط الجمهور بين حورية وعلاقتها بشاكوش، وهو ما نفته الفنانة وأكدت أنها ليس لها علاقة بشاكوش، ولم تقابله ولا مرة من قبل. ردت الفنانة، خلال تصريحات تليفزيونية بعدما ربط الجمهور بين اسم شاكوش واسمها، معلقة: “فيه مليون اسم غيري اشمعنا حورية اللي الناس مسكت فيها، وعلى فكرة أنا عمري ما قابلت حسن ولا شفته، وده ميمنعش إني بحب أغانيه وحزينة إنه طلق ريم، وده علشان لو مكنش في حب كبير بينهم مش هيكون في مشاكل بينهم، وهى بتحبه بصورة كبيرة وبتغير عليه، ولكنه رافض يظهر أمام الجميع إنه بتاع ستات ، والمفروض على ريم إنها كانت تتعلم إزاي تخلي جوزها ميبصش لواحدة غيرها.. اللي اسمها سارة، وده علشان إنتوا سافرتوا مع بعض وخرجتوا مع بعض، وبجد مكنتش حابه إن اسمي يتذكر في موضوع زي ده، وحقيقي حزينة جداً إن الموضوع دخل في منطقة الشرف، فلما حد يجيب سيرتي مش هسكت وهخرب الدنيا”.