- عصام بيومي يفتح الملف الشائك.. من يملك حقوق الإبداع في زمن الفن المُولّد بالذكاء الاصطناعي؟
- هيلاري داف تشعل الحماس بأغنية ..CATastropheوتكشف كواليس مشاركتها في فيلم »The Cat in the Hat«
- يسرا تكشف مفاجأة عن إلهام شاهين: رهنت بيتها لاستكمال إنتاج أحد أفلامها!
- بالإثارة والغموض.. شاهد الإعلان التشويقي لفيلم «كريبتو»
- مي سليم تخطف الأنظار بإطلالة «عروس البحر» في مهرجان الجونة السينمائي
- محمود الليثي: عايش في فندق بسبب عيالي.. وأمنيتي أختم حياتي بخدمة الحرم المكي
احدث الاخبار
أخبار النجوم
رانيا يوسف عن فستان البطانة: «غلطة مني».. وعادل إمام: «شكلك زي القمر»
استعادت الفنانة رانيا يوسف أزمة «بطانة» فستانها الشهير الذي ظهرت به في ختام مهرجان القاهرة السينمائي عام 2018.
وأوضحت رانيا يوسف أن مواقع التواصل الاجتماعي كانت السبب في استمرار تذكر الناس لهذه الأزمة.
وقالت رانيا يوسف خلال لقائها في ببرنامج «منا وفينا» مع هبة حيدري: «السوشيال ميديا هي سبب أن موضوع «البطانة» لسه موجود، أنا بفكر وأقول الناس مركزة أوي في حاجة كان فيها سوء تقدير مني، غلطة على مدار سنين كتير، بنتي لبست نفس الفستان وهي اللي قررت بالخناق أنها تلبسه وكان عندها 15 سنة وقتها وهي صغيرة وجسمها مفيهوش أي إثارة، اتكلمت معاها بس هي كان قرارها».
وتابعت رانيا يوسف موضحة أن البعض يهاجمها هي رغم أن هناك زميلة أخرى ارتدت نفس الفستان وقالت: «في زميلة لبست الفستان السنة اللي قبلها على طول ومش هقول أسماء، مثلا ناس اعتبرتها جرأة مني طيب ما زميلتي لبست نفس الفستان، في ناس بتعتبر مشهد البوسة في فيلم «واحد صحيح» جرأة، أولا دا اتعمل في أفلام من بداية السينما، ثانيا في زميلات وما زالوا موجودين عملوا أكتر من كده بكتير أوي ومحدش اتكلم عليهم، «البوسة» أكيد جرأة بس مفكرتش إن كنت ندمت عليها أو لأ، إحنا شوفنا الحاجات دي وأكتر من كده في الأفلام اللي سبقتنا بس النهاردة لو اتعرض عليا فيلم فيه «بوسة» مش هقبله».
وتابعت رانيا يوسف متذكرة موقف زملائها الفنانين بعد أزمتها الشهيرة: «في موقعة «البطانة» في زملاء هاجموني جدا وكانوا عايزين النقابة توقفني، وفي ناس وقفوا معايا جدا، بدون ذكر أسماء اتعمل جروب على «واتساب» وكل فنان قال رأيه، في ناس قالت أنه مجرد فستان وغلطة وتعدي وفي فنانة كبيرة قالت لأ دي قلة أدب وخاضوا في عرضي كتير وعايزين يمنعوني من التمثيل».
وأضافت: «اللي وقفوا معايا أولهم مدام إلهام شاهين شهدت في حقي شهادة كويسة وقالت حتى لو غلطة مش هنعلق لها المشنقة وإحنا عارفينها من زمان وسمعتها كويسة، أستاذ عادل إمام كلمني وقالي ولا تزعلي ولا تضايقي شكلك كان زي القمر والفستان جميل والمجتمع اتغير أنا عارف والناس تفكيرها اتغير فمتزعليش الموضوع اتفه من أن يتعمل عليه الشوشرة دي كلها».
على جانب آخر، تشارك الفنانة رانيا يوسف في موسم رمضان 2027 بمسلسل «سلطان الديب».
ومسلسل «سلطان الديب» بطولة أحمد العوضي ورانيا يوسف ويارا السكري ولجين خليفة وسوسن بدر ومحمود عبد المغني وخالد محمود وغيرهم من النجوم، تأليف محمود حمدان وإخراج محمد عبد السلام.
الكاتب
التعليقات