تحدث الشاعر والملحن عزيز الشافعي عن الفنانة شيرين عبد الوهاب معبرا عن افتقاده لها.
وقال عزيز الشافعي في لقائه ببرنامج «نجوم رمضان أقربلك» مع إنجي علي عبر إذاعة وقناة «نجوم FM»: «لما بنيجي نعمل أغاني بنقول الأغنية بتنادي صاحبها، أغاني كتير وأنا بعملها بتبقى بتنادي شيرين عبد الوهاب وببقى عارف أن لو شيرين غنتها هتاخدها في حتة تانية».
وتابع عزيز الشافعي: «لكن في الفترة الأخيرة الظروف اللي بتمر بيها واللي إن شاء الله تعدي منها بعداها شوية لكن إحنا بنفتقدها في رمضان في تترات المسلسلات وفي الصيف والألبومات، شيرين بتقدر تعمل من أغنية عادية بتخليها كبيرة في أصوات بتقدر تعمل من أغنية عادية حاجة لأن الصوت نفسه بياخدك ويملكك».
وأكمل عزيز الشافعي: «شيرين عندها البحة المصرية والشخصية المتفردة مفيش حد زيها صعب أن نعمل شيرين عبد الوهاب تاني دي حاجات مش موجودة في مطربين كتير، في مطربين بيعوضوا مطربين لكن شيرين صعب أنها تتعوض وإن شاء الله ترجع وتبقى أحسن من الأول».
على جانب آخر، كانت شيرين عبد الوهاب تعرضت خلال اليومين الماضيين لوعكة صحية.
ونقلت شيرين عبد الوهاب إلى المستشفى بسبب التهاب في المرارة، وأجرت جراحة استئصال للمرارة وغادرت المستشفى لتستكمل العلاج في المنزل.