حلت الفنانة رنا سماحة ضيفة ببرنامج "أوضة ضلمة" و كشفت لاول مرة عن أسباب طلاقها من الملحن سامر ابو طالب والد ابنها الوحيد.

صرحت الفنانة رنا سماحة قائلة:" انفصلنا لما كنت حامل ورجعنا حطينا شروط عشان مكناش حاطين لحياتنا شروط قبل كده، كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة لما حطينا الشروط عشان نكمل ده محصلش".

تابعت رنا حديثها:" مش شروط على قد ما هي أساسيات، زي إن خصوصية البيت لازم تكون بين الزوج والزوجة مش بس فكرة جوازي، لكن أحس إني ست وعايزة الطرف التاني يكون سندي وضهري، كنت حاسة إني لوحدي وبشيل مسؤولية نفسي، أحياناً كان بيساعدني، أنا وسامر اتجوّزنا بسرعة رهيبة مكنش في بينا قصة حب كبيرة، مهما كان صاحبي، قفلة البيت حاجة تاني على الشخصين،تاني مرة قررت مش هرجع والحياة وقفت هنا مش هكمل يوم واحد تاني مكنش راضي يطلقني كان عنده نفس إحساسي إنه عايز يطلق ومحاولش يتمسك بي".

اوضحت سماحة عن أسباب رفعها قضية خلع قائلة:" معرفش ليه مكنش عايز يطلّق ودياً، جايز مكنش عايز يديني حقوقي، قعدت شهور في بيت أهلي مبيصرفش عليّ ولا على ابنه، وبشتغل وربنا يكرمني وطول عمري شخصية مسؤولة، أنا تنازلت عن كل اللي يخصّني لكن ابني لأ".

تحدثت رنا عن علاقتها بأهل طليقها قائلةً: "أهله محدش يعرف عني حاجة من بعد الانفصال، كانوا بيشوفوا حفيدهم لما بقوله تعالى خد مالك، رفع قضية رؤية وهو بيشوف الولد وهو قاعد عنده في البيت، معرفش مين مصلحته يعمل كده لكن بيقووه على الغلط، ولو حاول يرجع مستحيل أرجع له".