أعلنت الإعلامية سالي عبد السلام عن تفاصيل رحلتها مع خسارة الوزن بعد ولادة طفلها الأول، متحدثة عن التحديات النفسية التي واجهتها.

شاركت سالي عبد السلام فيديو حكت فيه ما حدث معها وما مرت به من اكتئاب بعد وصول وزنها إلى 110 كيلو، وكيف خسرت الوزن ووصلت إلى 76 كيلو.

كتبت سالي عبد السلام تعليقا على الفيديو: "الناس بتقولى إزاي خسيتي ورجعتي تاني في وقت قصير كده؟ أكيد هقول ومش هخبي زي غيري ويمكن ده دوري إني أقول الحقيقة بس أول إجابة عندي هي من كتر التنمر والتريقة وخفة الدم اللي حصلت فيا وأنا حامل ده كان أكبر حافز عشان مكملش فى الاكتئاب بجد!".

استكملت عبد السلام:" لا أنا عارفة إن كان شكلى صعب أوي بس مكنتش عايزاهم يضايقوني أوي كده وأهم إنجاز إني إني رضعت طبيعي وهارون مدخلش حضانة الحمد لله وكملت لفترة واللي ساعدني الفيتامينات مع أن اتقالي مش هترضعي طبيعي وربنا كرمني وعملت كل اللى عليا ربنا يعلم .. وفى نفس الوقت أول ما وقف إدرار اللبن كان لازم اظبط نفسي وأهم حاجة نفسيتي وكنت بعيط كل يوم ، مش هقولكم المياه والرياضة زى ناس انا أخدت مونجارو".

استطردت سالي عبد السلام: "أنا رحت عيادة وعلى فكرة لازم نظام غذائي ونوقف والسكر والنشويات عشان نخس ومنتعبش ويحصل مضاعفات ولو وقفنا فجأة نتخن لازم تتبطل بنظام يا رب محدش يعدي بكل اللى أنا عديت بيه ومن فضلكم ادعولى كتير".

يذكر أنّ سالي عبد السلام، رُزقت بطفلها "هارون" في مارس الماضي، حيث قالت آنذاك، إنّ مواجهة ضغط الدم المرتفع (160/100) وزلال البول بمستوى قد يسبب تسمم الحمل المفاجئ استدعت الولادة العاجلة، مؤكدة: "الحمد لله، ادعولنا نخرج بالسلامة في أتم صحة يا رب". وعبّرت عن امتنانها الكبير قائلة: "الحمد لله الذي تتم بنعمته الصالحات، الجنة بقيت تحت أقدامي".