- بعد صراع مع السرطان.. وفاة الممثلة الأمريكية «كيلي ماك» بطلة The Walking Dead عن عمر 33 عامًا
- سعره 6 آلاف جنيه.. مي عمر بفستان قصير برسومات جريئة من إجازتها الصيفية
- نسرين طافش بإطلالة وردية جذابة في أحدث جلسة تصوير
- أحمد سعد يجري البروفات الأخيرة قبل حفله في الأردن
- حسناء سيف الدين تطرح أحدث أعمالها الغنائية «دا هو يوم»
- تامر فرج لا يرى أن زيجاته الخمسة السابقة كانت فاشلة
احدث الاخبار
كتبت: ريهام محمد
حكت الفنانة سماح أنور كيف دخلت عالم التمثيل موضحة أنها بدأت في سن صغير وهي في المرحلة الثانوية، وكانت البداية انقاذ موقف.
وقالت سماح أنور خلال لقائها في بودكاست «فضفضت أوي»: «أنا دخلت كلية الآداب قسم فرنساوي حضرت لحد سنة 3 لأني من أولى جامعة كنت بشتغل ابتديت شغل في ثانوية عامة، أول حاجة خالص كان في مسرح التليفزيون وكانوا بيعملوا مسرحيات للتليفزيون أبويا كان بيألف وينتج المسرحيات دي».
وتابعت: «أبويا كان بيعمل رواية وكانت روايات التليفزيون دي بتتعمل بروفات وبعدين يصوروا، بعد ما عملوا البروفات النهائية البطلة كان عندها تصوير في استديو مصر ووقعت ورجلها اتكسرت وبلغوا أبويا أن مفيش تصوير عشان مش هينفع تمثل، كان الله يرحمه أستاذ عبد المنعم مدبولي المخرج وبطل في المسرحية مع أستاذ وحيد سيف، أستاذ عبد النعم مدبولي وأستاذ وحيد سيف زعلوا أوي لأن الكاميرات في المسرح وخلاص كانوا هيصوروا، وكان فلوس التصوير هتتقبض تاني يوم، أنا كنت أيامها كان أتوبيس المدرسة بينزلني عند المسرح عشان كان والدي وولدتي بيشتغلوا لحد بالليل فكنت بروح أحضر البروفات، وكنت حافظة الرواية لأني بروح كتير وكنت بتفرج بتركيز مش عشان بنت المنتج، أستاذ عبد المنعم مدبولي قال لبابا طيب ما سماح حافظة الدور».
وأكملت سماح أنور: «كان عندي 15 سنة وكنت قاعدة في الأوضة مستنياهم وبحلم أنهم هيندهولي وبعمل الرواية والناس بتسقف لي، ولقيت ماما داخلة عليا وبتقولي بابا عايزك، طلعت ليهم سألني أستاذ عبد المنعم مدبولي أنتي حافظة الرواية كان فيها مونولوجات كتير لأنه كان كاتبها لفؤاد المهندس وشويكار ومتعملتش عشان اتطلقوا، قلتلهم أني حافظة وفعلا قلت فاقتعنوا بيا وكنا بننقذ الموضوع مفيش حاجة في دماغهم غير كده، أنا مكنتش عظيمة طبعا بس هما حسوا أن في حاجة فيا مش مجرد بنت المنتج».
يذكر أن سماح أنور عرض لها مؤخرا مسلسل «كتالوج» بطولة محمد فراج وريهام عبد الغفور وتارا عماد وخالد كمال وبيومي فؤاد وسماح أنور وصدقي صخر ودنيا سامي وعلي البيلي وريتال عبد العزيز وأحمد عصام السيد، المسلسل من إخراج وليد الحلفاوي، وإنتاج أحمد الجنايني، وتأليف أيمن وتار.
الكاتب
التعليقات