أعاد الفنان شادي شامل فتح ملف الإساءة والتنمر عبر مواقع التواصل الاجتماعي، بعدما عبّر عن استيائه من حجم الانتقادات والتجاوزات التي يتعرض لها خلال الفترة الأخيرة، مؤكدًا أنه لم يعد مستعدًا للتغاضي عن الإهانات التي يراها تتجاوز حدود النقد المشروع إلى الإساءة الشخصية.

كتب شادى شامل عبر حسابه الرسمى على موقع التواصل الاجتماعى «فيسبوك»: «إنى أوصل للغضب اللى أنا فيه ده مش من فراغ، لأن حقيقى طفح الكيل واستحملت سفالة ناس اللى هى فعلًا ملهاش أى مبرر، فلازم كل واحد من هذه العينة تديله فوق دماغه وتعرفه قيمته».

تابع شامل حديثه : «كل اللى يعرفنى على المستوى الشخصى يعرف إنى أبسط وأجدع واحد فى الدنيا مع الناس المحترمة المتربية، أشيلهم فوق راسى من فوق، إنت بقى مش متربى مش هسكتلك وهتعامل معاك من فوق ومش هسيب حقى وأعمل فيها كيوت».

أضاف شادى متسائلًا عن أسباب لجوء البعض إلى الإساءة للآخرين دون سابق معرفة، قائلًا: «ملهاش مبرر غير إنك مريض نفسى أو عندك نقص أو عندك حقد طبقى أو شايف اللى قدامك شكله وأخلاقه أحسن منك، فتبتدى تشتمه عشان تعوض العقدة اللى من صغرك».

شار إلى معاناته من التعليقات المسيئة التى يتعرض لها بشكل مستمر، موضحًا: «تخيل إنك تتشتم كل يوم وبدون سبب، ياريتنى مثلًا أذيت حد، لا، دى ناس بتشتم بدون سابق معرفة، واستحملت عشرات السنين. أنا نفسى ببقى حزين لما بشوف تعليقات سيئة».

واستشهد شادى بما يتعرض له الفنان عمرو دياب من انتقادات وإهانات عبر مواقع التواصل الاجتماعى، قائلًا: «ناس بتشتم قيمة وقامة زى عمرو دياب بأوسخ الألفاظ، وده راجل أسعد ملايين على مدار 40 سنة. ليه الاختلاف فى الرأى ما يكونش باحترام وأدب؟».

ووجه شادى رسالة إلى متابعيه، حثهم خلالها على عدم التنازل عن حقوقهم، قائلًا: «نصيحة لأى حد، محدش يسكت عن حقه، لأنك لما تسكت الناس بتزيد فيها».

وفى ختام منشوره، أعلن شادى عزمه اتخاذ إجراءات قانونية ضد من يتجاوز فى حقه، مؤكدًا: «من هنا ورايح كل واحد هيتطاول هيتـرفع عليه قضية رد اعتبار وأحبسه وتعويض مادى، يبيع أهله واللى وراه واللى قدامه، عشان يكون عبرة للآخرين، وده أول واحد هيتـرفع عليه قضية».