استرجعت الفنانة المعتزلة شمس البارودي ذكريات إنسانية مؤثرة من حياتها مع زوجها الراحل حسن يوسف، من خلال رسالة مطولة نشرتها عبر حسابها على موقع فيسبوك، عبّرت فيها عن مشاعر الحنين والوفاء لسنوات الحب التي جمعتهما.

شاركت الباروديمجموعة من الصور استعادت فيها ذكرياتها مع حسن يوسف، إذ كتبت عبر حسابها على «فيس بوك»: «بجد وأنا مع حبيبى حبيت فيروز بس ماحبتش من صغرى كوكب الشرق، لأن كل اغانيها معاناه مع الحبيب، وأنا كنت شايفه ومازلت أن وجود الحبيب فى حياة المحب بهجة وفرحة وأمل بالسعادة يتجدد طول ما هو معايا، وجنبى، وكلماته وحسه ونفسه ونظراته تبثنى حبه الامتناهى حتى رحل روحى واستمعت لوجع قلب كوكب الشرق أم كلثوم».

استكملت البارودي : «كنت بشوف إن لا يمكن الحب يكون معاناة، وأنا فى حضن حبيبى، وهو فى حضنى كل وأى معاناة فى الحياة تذوب، وكأنها لم تكن طول ما أنت جنبى وأنا جنبك حتى تركتنى مرغما بإرادة الله العلى القدير، ورضيت يا ربى فلا إعتراض على أمرك إلا إن طيفك وحسك ونفسك لا يفارقنى يا روحى، أفتح الدولاب فجأة اليوم أجد مجموعة أخرى من كروت حبك ألتى كنت تضعها على صحبة الورد، وأنا أقول مين على الباب الجرس بيضرب تقول لولادنا مالكوش دعوة أنا اللي هفتح أشوف مين علشان تستلم أنت ياحبيبى سبت الورد لتضع عليه الكارت بخط إيدك اللى محضره من بالليل»

أضافت البارودي : «وتجيلى وأنا قاعدة فى الليفنج وتقول لي كل سنة وأنتى طيبة ياحب عمرى، واتشعلق فى رقبتك واحضنك حضن شبه اللى حضنتهولى يوم كتب كتابنا، وأنت بتضحكنى يومها وتقول المأذون مشى خلاص أخد حقى بقى يا حياتي، وبابا يقولك يا عم حسن افتحوا البوفيه الأول للضيوف خلاص شموسة بتاعتك يا ابنى العمر كله، وفعلا كانت دعوة أبويا يا حبيبى العمر كله، ودلوقتى غلبنى الشوق، وغلبنى، وليل البعد دوبنى بعيد عنك حياتى عذاب».

تأتي هذه الرسالة في سياق تفاعل شمس البارودي المستمر مع جمهورها عبر منصات التواصل، حيث تشارك بين الحين والآخر بعض الذكريات الشخصية.