كتبت: ريهام محمد
رد شيكابالا لاعب كرة القدم بنادي الزمالك على رسالة أحمد فهمي له والتي أعلن فيها انتهاء خلافهما معا.
وخلال لقائه في برنامج «الكورة مع فايق» مع إبراهيم فايق عبر قناة MBC مصر 2 قال شيكابالا: «أنا وأحمد فهمي أصلا إخوات وكنت عنده في البيت على طول وهشام وشيكو وساعات بتحصل مناوشات بس دا بيرجعك أن إحنا أصلا إخوات وبين الإخوات ساعات بتحصل اختلافات».
وتابع شيكابالا: «بس أنا سمعت هو قال إيه وفهمي أخويا ومفيش مشكلة بينا وأنت أصلا يا فهمي بدل ما كنت تروح لناس تبقى هي الوسيط بيني وبينك أنت ليك عندي أنك تيجي على طول لشيكا وكان الموضوع من ساعتها خلص».
وكان أحمد فهمي وجه رسالة لشيكابالا من خلال نفس البرنامج الأسبوع الماضي وقال له: «أنا بحب شيكابالا جدا، إحنا كده كده كنا أصحاب عمر وأكلنا عيش وملح مع بعض والكرة كلها كده يمكن موزناهاش صح إننا نوصل المشكلة لمستوى الميديا دي حاجة مش صح مني قبل ما تكون منه».

وتابع أحمد فهمي: «وفي الآخر إحنا إخوات وجمهور الأهلي وجمهور الزمالك اصلا إخوات، وعلى المستوى الشخصي والصحاب هو عارف إن أنا بحبه وإني بشوفه إنسان طيب جدا وفيما يخصني لو حاجة هو مضايق فيها مين أنا شخصيا حقك عليا ومش مستني اعتذار».

يذكر أن الخلاف بين فهمي وشيكابالا نشب في حفل زفاف عضو مجلس إدارة النادي الزمالك السابق شريف منير عام 2020، بسبب عتاب الممثل الشهير للاعب الزمالك بسبب سبه لجمهور النادي الأهلي، ورد شيكابالا بسب الجمهور مجددا لتبدأ المشاجرة، وتجددت الأزمة من جديد بعد مباراة الأهلي والزمالك في نهائي كأس أفريقيا، التي انتهت بفوز الأهلي بهدفين مقابل هدف، فبعد تعرض شيكابالا لإساءة من جمهور الأهلي، أعلن فهمي تعاطفه معه، ليعود لاعب الزمالك وينشر صورة حذاء ردا على الجمهور، ليتراجع فهمي عن الاعتذار والتعاطف معه.