كتبت : مريم يعقوب قال السيناريست عمرو محمود ياسين، إنه يحضر لعمل جديد يتعاون فيه مع الفنانة ياسمين عبدالعزيز بعد حل الخلاف بينهما، موضحا أنه سيتم طرحه في الموسم الرمضاني المقبل 2025.

عمرو محمود ياسين يكشف عن تعاون مشترك مع ياسمين عبدالعزيز

قال «ياسين» على هامش افتتاح المهرجان القومي للمسرح: «أنا عندي مسلسل بجزه لشهر رمضان بإذن الله بطولة الفنانة ياسمين عبدالعزيز وحاليًا منشغل بكتابته.. والتعاون مع ياسمين سهل وجميل جدا لأن فيه تفاهم وفي صداقة على المستوى الشخصي والعائلي وده مريح ليا وليها وهي عارفة إزاي أنا ممكن يكون عندي القدرة أقدم شيء يؤهل للنجاح وأنا عارف حجم جماهيريتها وحب الناس ليها وقدراتها التمثيلية المتميزة وبالتالي بقدر أكتب الشغل اللي يبرز ده بشكل كبير وأتمنى لنا النجاح». وعن خلافهما الأخير قال: «من وقت مرضها والموضوع ده كان انتهى.. طبعا أنا أول ما ياسمين تعبت أصلا مش فاكر إحنا اختلفنا إزاي كان كل اللي في دماغي إني أطمن عليها واشوفها بخير مرة تانية لأن هي أخت عزيزة جدا والخلاف اللي بيننا كان خلاف شغل يعني مش خلاف مش خلاف شخصي وكان مسيره يتحل سواء كان عدت بالأزمة الصحية أو لا يمكن لما عدت بالأزمة الصحية عجل بفكرة إننا اتصالحنا فورا من غير عتاب أنا علاقتي بيها أقوى من كده هي أخت عزيز’». في نفس السياق كشف عمرو محمود ياسين عن إمكانية وجود جزء خامس من مسلسل «نصيبي وقسمتك» قائلًا: «أنا مش بخطط لجزء خامس من نصيبي وقسمتك الفترة الجاية، هفضل أكتب مسلسلات طبيعية بقى شوية أنا عملت أربع مواسم وده عدد كبير نتكلم في أكتر من 50 قصة وده عدد كبير». كما تحدث عن افتتاح المهرجان القومي للمسرح في دورته الـ 17 قائلًا: «أهم شيء أن هذا المهرجان في هذه الدورة يحمل اسم العظيمة القديرة سميحة أيوب شيء أعتقد يسعد كل فناني مصر وخصوصا المهتمين بالمسرح لأن سميحة أيوب هي من أهم وأعظم الممثلات اللي وقفوا على خشبة المسرح المصري، ولها تاريخ عظيم جدا تستحق عليه هذا التكريم يعني فسعيد بيه جدا وسعيد بالدورة وأتمنى الناس كلها تبسط بيها». وعن تولي الفنان محمد رياض لرئاسة مهرجان المسرح القومي أوضح: «حسيت أن من وقت وصول محمد رياض كرئيس للمهرجان أنه رفع الشكل العام بتاع الحكاية كلها خد شكل أكثر أناقة وتوهجا وتنظيما وده شيء يحسب له وللقائمين على المهرجان كلهم بيبذلوا مجهود كبير أكيد في تحسم كبير في أداء دورات المسرح المصري».