شن المخرج كريم العدل هجومًا لاذعًا على مخرج فيلم «اختيار مريم» محمود يحيى، بعد الجدل الذي أثير حول احتجاجه واعتصامه بسبب عدم عرض الفيلم في سينما «زاوية»

وقال العدل، في منشور له على حسابه الرسمي بموقع التواصل الاجتماعي «فيسبوك»: «يا أيها المخرج.. أنا آسف إني أصدمك بالحقيقة اللي ممكن تضايقك، بس أنا عندي سؤال: هل لو فيلمك إتعرض، وهشطح معاك بالخيال وأقول إنه عجب الناس جدا.. وهشطح معاك بالخيال أكتر وأكتر وأقول إنه جاب فلوس كتير فشخ، بص، عمل أعلى إيراد في السوق السنة دي.. خيال يعني.. هل أنت متخيل إن فيه منتج أو موزع أو دار عرض أو ممثل أو مدير تصوير أو أي كرو، ممكن يخاطر ويشتغل معاك بعد اللي أنت عملته ده؟، ليه؟، هل أنت فاهم إن الناس بتحب وجع الدماغ مثلا؟، هل أنت عارف إن كله هيقولك بناقص وإن الشاطرين على قفا من يشيل؟؟، هل فيه حد علمك إنك تبقى مريح، ده جزء من الشطارة؟، طب هل أنت تعلم إن أنت هتبقى بيُشار إليك للأبد بـ«المخرج اللي عمل إضراب ده، فاكره؟».

وتابع: «الحقيقة إن إضرابك أو صيامك أو أيا كان هتسميه إيه ماكانش انتحار بدني قد ما هو انتحار فني كامل.. وأنا دايمًا بقول لأي شاب مخرج صغير لسه بيبدأ choose your battles- اختار معاركك.. بس أنت بقى اخترت معركة صغيرة قوي تكسبها بأى وسيلة كانت حتى لو بلوى الدراع.. بس ضحيت قصادها بمستقبل فني كامل.. فأصبحت معركة خسرانة».

واختتم المخرج كريم العدل رسالته للمخرج الشاب محمود يحيي: «أنت كنت عدو نفسك الأول.. قبل ما يكون أي دار عرض أو موزع عدوك».

جدير بالذكر أن فيلم «اختيار مريم»، للمخرج محمود يحيى، أثار حالة جدل واسعة خلال الأيام الماضية، بعد اعتصام المخرج أمام سينما «زاوية»، احتجاجًا على رفض عرض فيلمه، وهو ما قوبل بتعاطف من البعض وانتقادات من آخرين.