حلّت الفنانة كندة علوش ضيفةً على برنامج "كلمة أخيرة" الذي تقدّمه الإعلامية لميس الحديدي على قناة ONE، حيث كشفت عن أسرار حياتها الشخصية، وتحدّثت عن علاقتها بزوجها الفنان عمرو يوسف.

تحدثت الفنانة كندة علوش عن علاقتها بزوجها الفنان عمرو يوسف قائلة:" أنا بطبعي صريحة جداً، مش بس مع عمرو، لكن مع كل الناس. ولو ما قلتش اللي جوايا، بزعل وبتأثر"، لكنها اعترفت أن صراحتها أحياناً كانت "قاسية أو فجّة".

قاطعتها لميس الحديدي قائلة: "ممكن تعملي كده مع عمرو؟ خصوصًا إن معظم الرجالة مش بيحبوا النصيحة!" فردت كندة: "فعلاً عمرو مش بيحب النُصح، بس عنده ميزة حلوة إني مع الوقت فهمته. بقيت أعرف أختار الوقت والطريقة. لو قلت له حاجة وقت انفعاله، بخسر. وأنا مش بطبيعتي دبلوماسية، أنا برج ناري، وهو برج الحمل، ومش سياسي بطبعه،تعلمت أؤجل الكلام لبعد ما يهدأ، وأصيغ اللي عايزة أقوله بطريقة أهدأ. وده مش بس مع عمرو، ده كمان مع أصدقائي. التوقيت والنبرة بيفرقوا جداً في تقبّل الطرف الآخر للكلام".

قالت كندة. عن الخلافات الزوجية:" أكيد في الأول أكتر، لكن مع الوقت كل واحد فينا تطبع بطبع التاني."

لدى سؤالها عن رد فعلها في حال تعرضت لموقف خيانة في الواقع، قالت: "أكيد لأ. ناس كتير بتسمع عن خيانة، بس وقت المواجهة محدش يعرف ممكن يعمل إيه. بس أكيد مش هتصرف زي ناهد، وأنا يمكن أكون أشيك شوية. بس بصراحة، لو حصل كده، ممكن أضرب عمرو والست اللي معاه".

يذكر أن كندة علوش عرض لها في شهر رمضان الماضي مسلسل "إخواتي"، ويشارك في بطولته كل من نيللي كريم، روبي، كندة علوش، جيهان الشماشرجي، حاتم صلاح، نبيل عيسى، على صبحي، إسلام حافظ، وغيرهم من الفنانين، وهو من إخراج محمد شاكر خضير، وتأليف مهاب طارق وإنتاج شركة "ميديا هب- سعدي جوهر".