أعرب السيناريست تامر حبيب عن إعجابه الشديد بالجزء الثاني من مسلسل "أشغال شقة جدًّا"، الذي يعرض خلال الموسم الرمضاني الحالي، مشيدًا بأداء أبطاله وروح الكوميديا التي يقدمها العمل، رغم الانتقادات التي لاحقت بعض جوانبه.

نشر السيناريست تامر حبيب منشورا عبر الفيسبوك قائلا:" أما أنتم، فأنا بجد مش عايز أفكر في اليوم اللي مش هاشوفكم فيه بعد الخمس عشرة حلقة ما يخلصوا، طيب ومين هايبهجني؟ مين هايخليني أكركع على روحي من الضحك ومن قلبي؟،مين هايخليني أحترم ذكاءه وموهبته وعدم استسهاله واحترامه ليا كمشاهد؟".

أضاف تامر حبيب: "مين هايخليني استناه زي الطفل كل يوم وابقي مش عايزه يخلص ويسيبني ابدًا؟، مين اللي هايخليني أحترمه أكثر وأحبه أكثر وأقدره لما ألاقيه ذكي وسوي وفاهم يعني ايه كوميديا راقية وأن لما كلنا يبقى عندنا مساحات نضحك مش البطل بس كل ما كلنا، على رأسنا البطل ما هاننجح اكثر ونأثر اكثر ونتصدر اكثر؟، اليوم هايعدي عليا ازاي من غير طلة عربي اعظم clumsy في العالم؟ ازاي اليوم هايبقي دمه خفيف وطعمه حلو من غيركم كلكم كلكم بدون ادني استثناء؟، يا رب يا رب بحق دي الايام المفترجة تبقي اشغال شقة مؤبدة".

رد هشام ماجد على إشادة تامر حبيب، قائلا: "يا رب تفرح وتضحك وتفرفش طول العمر، فرحتنا يا صاحبي ربنا يباركلك، وشكرًا على اسم (أشغال شقة مؤبدة) اوعدك لو في جزء تالت حنسميه كدة".

المسلسل من بطولة هشام ماجد، أسماء جلال، شيرين، سلوى محمد علي، مصطفى غريب، محمد عبد العظيم، وأحمد عبد الوهاب، ومن تأليف خالد دياب وشيرين دياب، وإخراج خالد دياب.