وقعت الفنانة والراقصة فيفي عبده، ، ضحية مقلب برنامج " رامز إيلون مصر " المذاع على قناة " إم بي سي مصر ".

استقبلها الفنان رامز جلال بمقدمة ساخرة قال فيها: "حلقة النهاردة بمثابة تكريم لزبونة من النوع القديم، صاحبة أكبر كم من التيت في تاريخ الفضائيات، لسانها أطول من الطريق الدائري، وعلى الكل بتتجبر وتفتري، ياما نصحتها وقلت لها يا ولية عيب اختشي، مقضياها سبابيب من هنا ومن هنا، النهاردة هعمللك ماتش اعتزالك، لا تقوليلي أهلي ولا زمالك. معانا الراقصة التي دمرتها الفتة، اللي تفصل مني ستة، اللي فاضحانا في كل حتة".

علق جلال على ملابس فيفي ساخرا:" المعلمة أنهار صاحبة معامل المورتة في الغورية، دي عايزة ونش علشان تطلع السلم، لابسة فراشة، ودي اللي يتقال عليها جت تكحلها عميتها، وإنت بالجسم ده تحكمي في مسابقات أكل الكوارع".

قام أحد معاوني رامز جلال بربط الفنانة فيفي عبده في سرير بحجة القيام بفحص طبي شامل في دقائق معدودة، ومع بدء تنفيذ المقلب وصعقها بالكهرباء، بدأت فيفي بعده في توجيه الشتائم والسباب بدون توقف .

وجه رامز جلال، سؤالا لفيفي عبده :" انتي طلبتي إن اسمك يتحط قبل زينة في العتاولة".

ردت فيفي عبده :" محصلش.. ومكسب ليا إني أكون في العتاولة".