أكد المخرج مجدي الهواري أنه لم يُدلِ بأي تصريحات يعترض فيها على مطالب محمد صلاح المالية مع ليفربول، نافيًا ما نُسب إليه حول هذا الأمر.

صرح الهواري قائلا:" الكلام ده مش مظبوط، أنا راجل كروي وبحب الكرة، وكتبت بوست بعد ماتش نيوكاسل، وقلت إنه كان درس قاسي جدًا إن ليفربول خرجوا من البطولة دي قدام نيوكاسل 2-1، بسبب إنهم مش محققين مطالب صلاح".

استكمل الهواري حديثه:" محمد صلاح برج الجوزاء، وده بيخلي نفسيته تلعب دور مهم جدًا في أدائه، ولو مش مظبوط نفسيًا قبل الماتش، ده بيظهر على تعبيرات وشه، وأنا كمخرج بعرف كويس إمتى يكون مضايق،مزاجه يؤثر بشكل مباشر على مستواه في الملعب".

اختتم الهواري قائلا:" صلاح في آخر فترة ماكانش في حالته، لأنه حاطط في دماغه مستقبله مع ليفربول وأرقامه، لكن ليفربول كمنظومة كبيرة أكيد فاهمين إن مزاج النجم مهم قبل الماتشات، ولازم يتفادوا تعرضه لضغوط نفسية تؤثر عليه أو تعرضه لإصابة مش في صالحهم".