طرح النجم محمد رمضان، مساء اليوم الخميس، أغنيته الجديدة «قالوا إيه» على موقع الفيديوهات يوتيوب، و هي من كلمات مصطفى حدوتة، توزيع إيهاب كولبيكس، والفيديو كليب تصوير أحمد حجاج ومونتاج محمود صبري.

تضمنت الأغنية مقاطع من كواليس البرنامج، مما أضفى عليها طابعاً توثيقياً مرتبطاً بتجربته الإعلامية الأخيرة.

تقول كلماتها:

"قالوا ايه ؟ قالوا اه

قالوا هو بيمشي وكله وراه

قالوا إيه ؟ قالوا اه

قالوا عمرها ما بتطلع براه

قالوا عني أي أرض نزلتها

انا كسبت فيها محبة اهلها

قالوا قد اي كلمة انا قولتها

شعبية طاغية ومفيش زيها

قالوا عني نجم نازل مـ السما

لو روحت حتة تقلب ملحمة

ملعوبة مني تيجي بمعلمة

انا فعل بس وانتم مكلمة

قالوا إيه ؟ قالوا لأ قالوا دايمًا كدة يطلع على حق

قالوا إيه ؟ قالوا لأ قالوا سبق الكل وعدى بفرق

قالوا عنده عزبة وفي ضهره عزوة وفي اي حسبة يطلع فهمان

قالوا عني حملة واخواتي دولة وفي كل جولة بطلع كسبان

قالوا عني فلتة واد رجله ثابته وفي كل حتة ليه اصحاب جدعان

لو غيبت غيبتي برجع بهيبتي وتشوفوا صورتي دي في كل مكان

قالوا إيه ؟ قالوا لأ قالوا دايمًا كدة يطلع على حق

قالوا إيه ؟ قالوا لأ قالوا سبق الكل وعدى بفرق

قالوا إيه ؟ قالوا ياه قالوا جت بالحظ وماشية معاه

قالوا إيه ؟ قالوا ياه وانا لسه بقول دي الثقة في الله".

تتميز أغنية “قالوا إيه” بأسلوب موسيقي يجمع بين الإيقاع السريع والألحان القوية، وهو ما يعكس الطابع الغنائي الذي اعتاد محمد رمضان تقديمه في أعماله السابقة. تعتمد الأغنية على توزيع موسيقي عصري يتماشى مع الذوق العام، مما يجعلها محط اهتمام فئات مختلفة من الجمهور، خصوصًا الشباب.

تتناول كلمات الأغنية مواضيع تتعلق بالتحدي، وتحقيق الذات، وتجاوز العقبات، حيث يقدم رمضان نفسه كنموذج للنجاح رغم الانتقادات والمصاعب التي قد يواجهها. هذه الرسالة تعزز من مكانته كفنان يعكس صورة الشخص الطموح الذي لا يتأثر بما يقال عنه، بل يواصل طريقه بثقة وإصرار.