أعربت المطربة مي فاروق عن ارتياحها بعد صدور حكم قضائي برفض الدعوى التي تقدم بها طليقها ووالد أبنائها، والتي طالب فيها بضم حضانة الأطفال إليه، وذلك عقب زواجها من الفنان محمد العمروسي.

شاركت المطربة مي فاروق بوست مطولا حيث أعربت عن سعادتها و شكرها لله و القضاء المصري قائلة:" ثقتي في ربنا ما خيبت أبدا ودايما ظني فيه انه كريم وجميل وساندني وعارف مين المؤذي ومين الصادق اللي اتظلم وده اللي دايما بيحصل".

أضافت فاروق قائلة:" أمي وأبويا عليا ودعواتهم ليا اللي دايما محاوطاني وثقتي في أن أنا ما بظلمش حد أنا اللي بتظلم وبوكل أمري لله وده قمة القوة اللي كتير قوي بيفتكروه ضعف بس عشان هم عندهم مشاكل أنا مسنوده سنده ما يهزهاش بشر ابدا ربنا معايا ودعوات أمي وأبويا ورضاهم عليا مرافقني العمر كله،في ظهري رجل محترم وأمين ثقتي فيه عمرها ما خيبت ربنا يخليك ليا ولاولادنا وقانون بلدي وعدالة بلدي النزيهه وراجل محترم وقف معايا من اول الحكايه وثقتي فيه كانت كبيرة جدا المستشار ياسر قطنوش".

أنهت مي منشورها بدعاء :" لك الحمد على كل نعمك وكرمك وفضلك وسندتك ديمها عليا نعمه يارب ورد كيد الكائدين وحقد وغل كل واحد له اللهم امين وانصرني دايما كده وزيدهم كمان وكمان من اللي في قلوبهم وابعدهم عنا اللهم امين الظلم وحش ونصرة ربنا جميله قوي".

كتب الفنان محمد العمروسي ردًا على زوجته “ربنا كبير وواقف مع الحق، أنا في ضهرك على الأرض، وزي ما القضاء أنصفك، إحنا دايما وراك لحد آخر نفس، وشكرًا لقضاء مصر وشكرا لأخويا المستشار ياسر قنطوش”.

يُذكر أن مي فاروق قد طرحت مؤخرًا أولى أغاني ألبومها "تاريخي" بعنوان "باركوا"، من كلمات تامر حسين، وألحان مدين، وتوزيع موسيقي أحمد عبدالسلام، وإخراج باسم دوما.