كتبت: أميرة خالد كشفت الفنانة نجوى فؤاد عن رأيها في الراقصات الأجنبيات معبرة عن استيائها من طريقة رقصهن. وقالت نجوى فؤاد خلال لقائها في برنامج "قعدة ستات": "أنا مش بشوف أي راقصة من الراقصات ولا عندي استعداد أشوف حد فيهم، هقوم أضربها وهي عريانة كده". وتابعت نجوى فؤاد: "لأن مينفعش دا اللي بيعملوه مش بتاعنا الحركات اللي بيعملوها ملهاش علاقة بالرقص، الرقص مشاعر بتطلع من الإنسانة وترجمة الغنوة والمزيكا". على جانب آخر، كانت نجوى فؤاد أكدت أنها تواظب على قراءة القرآن الكريم في يوم الخميس من كل أسبوع، كما تحدثت عن فكرة ارتداء الحجاب. وقالت نجوى فؤاد خلال لقائها في برنامج "تابوو" من تقديم نزار الفارس عبر قناة "دجلة": "كل يوم خميس لازم اقرأ قرآن، إلا لو كنت عيانة ودا حصل في أيام قليلة، لازم ساعة أو ساعتين قرآن، احط الطرحة وابدأ أصلي ركعتين لله وأقعد اقرأ القرآن، لو كان عندي إيه يستنوني". وتابعت نجوى فؤاد: "قراءة القرآن بتثقف وتعلمك تاريخ بلدك وتفهمك دينك وتفهمك حاجات كتير جدا يمكن مأخدتهاش في الجامعة". يذكر أن آخر أعمال نجوى فؤاد مشاركتها في مسلسل "تلت التلاتة" وعرض في رمضان 2023. مسلسل "تلت التلاتة" بطولة غادة عبد الرازق، محمد القس، أحمد مجدي، مي سليم، صلاح عبدالله، ليلى أحمد زاهر، تأليف هبة الحسينى، وإخراج حسن صالح.