حلت الفنانة هدى الاتربي ضيفه مع الإعلاميةبسمة وهبة ببرنامجها العرافه و كشفت كواليس مشاركتها في دفن خطيبها، الذي انفصلت عنه قبل وفاته.

قالت الفنانة هدى الاتربي و هي بتبكي:" كنت بحلم به في الفترة اللي سيبنا بعض فيها، وكان دايما يقولي حقك عليّ متزعليش، وأنا ظلمتك، وأريد أقول إني سامحته ولا أشعر بالغضب منه، رغم أنه لم يقل لي هذا الكلام وهو على قيد الحياة".

استطردت الاتربي حديثها:" في الدفن كنت واقفة بجوار قبره، وقلت له إني متخيلة إنك عيشتني أوحش إحساس في حياتي، بس مكنتش متخيلة إنك هتعيشني إحساس أوحش منه، وعرفت إن ربنا معملش حاجة وحشة، لكنه عمل كده عشان مبقاش أرملة، وهو أكثر من أحببت في حياتي".

روت الفنانة هدى الاتربي كواليس خطوبتها قائلة:" كنت في قصة حب طويلة مع منتج من أهم المنتجين على الساحة، واتخطبنا وقبل فرحنا بأسبوع حصل مشكلة كبيرة ومكنتش الأولى، بسبب شغلي وسبنا بعض بعد ما علقت فستان فرحي وفرشت بيتي وبعت دعوة الفرح للناس كلها، سبب انفصالنا الرئيسي إنه مكنش قادر يتعامل مع المشاكل اللي كانت ستواجهنا في الشغل، وأي مشكلة كانت بتحصل كنا بنلاقي نفسنا إحنا الإثنين أطراف فيها قدام بعض”.

أوضحت الاتربي أن خطيبها السابق عرض عليها ترك العمل في المجال الفني أو الانفصال عنه قائلة: “قال لي يا الشغل يا الجواز، قلت له مش هقدر أرد، أنا عندي التزامات، وقلت له يا يا أسيب الشغل يا تسيبني، فقال لي أنا اعتبرت إنك بعتيني، ومشي وكمل حياته وتزوج، وبعدها توفى”.