- الفنان محمد رمضان يعلن حقيقة تعاونه مع لارا ترامب بعد لقائهما.. تفاصيل
- فركش تصوير حكاية «هند» من مسلسل «ما تراه، ليس كما يبدو».. تفاصيل
- المسرح القومي يقوم بتحذير جمهوره من تذاكر مزيفة لمسرحية «الملك لير».. فما القصة؟
- الإعلامي سعيد جميل يخوض التجربة الأولى على المسرح بلايف كوميدي تفاعلي
- نقل الإعلامية دارين مصطفى لإحدى المستشفيات عقب تعرضها لأزمة صحية مفاجئة و ابنتها تطلب الدعاء لها
- السيناريست مدحت العدل يوضح تحضيره للجزء الثاني من فيلم مافيا
احدث الاخبار
ردت الفنانة هدى المفتي لأول مرة على سؤال إن كانت أغنية «البخت» قد غناها ويجز لها.
وأوضحت هدى المفتي خلال لقائها في برنامج «صاحبة السعادة» مع إسعاد يونس، أن ويجز لم يغن «البخت» لها وحكت كواليس ما حدث يوم طرح الأغنية وموقف صعب تعرضت له.
وقالت هدى المفتي: «الأغنية مش ليا، كان موقف غريب جدا ويضحك، بداية الحكاية أن واحدة صاحبتي من الشلة بتاعة المدرسة القريبين مني ضيعت تليفونها اللي عليه صور وفيديوهات، كانت متوترة أوي وطول الوقت تليفوني ضاع واتسرق وعليه صورنا وإحنا صغيرين وإحنا في البحر، أنا كنت نايمة وعندي تاني يوم تصوير إعلان ولازم أصحى 6 الصبح وأنا نمت من ٩».
تابعت هدى المفتي: «صاحية من النوم ببص في التليفون لقيت 300 حاجة وستين إشعار ونصهم على تويتر أنا كنت سامعة صوت قلبي ومش راضية افتح وعماله أفكر أنا عملت إيه وبعدين قلت أه تليفون صاحبتي ونزل صورة أو أي حاجة، بعدين قلت مش هفتح تويتر أنا هفتح انستجرام، لقيت رسايل كتير فتحت كان فيه صفحات حقوق المرأة وكاتبين «لو عايزة نتكلم في الموضوع» قلت في حاجة أكيد أنا ممكن ظهرت مع صحابي في فيديو قلت حاجة ولا لفظ مثلا وإحنا بنهزر، اترعبت».
وأكملت هدى المفتي حكاياتها: «الشخص الوحيد اللي كان هيبقى صاحي هي «حبيبة» من فريق العمل بتاعي اللي كانت جاية معايا تصوير الإعلان كلمتها وسألتها في إيه راحت قالتلي في أغنية نازلة والناس كلها بتقول أنها متغنيالك، سألتها هل هو قال «هدي» قالت لي لأ قلت طب ليه الناس بتقول إنها ليا أنا، قالتلي اسمعي الأغنية لذيذة مكنتش قادرة اسمع الأغنية من كتر ما أنا خايفة، وبعدين دخلت اتفرج أشوف مكتوب إيه، بس الاغنية مش ليا خالص».
وعن علاقتها بويجز قالت هدى المفتي: «مش عارفة ليه الناس نسبوها ليا نفسي أعرف مين طلع الإشاعة دي إحنا كنا بنصور مع بعض مسلسل «بيمبو» وعلاقتنا كويسة نعرف بعض إحنا معارف ممكن نكون صحاب بس مش مقربين وحوالينا أصدقاء مشتركين كتير ونعرف بعض كويس وأنا بحترمه جدا هو فنان موهوب».
الكاتب
التعليقات