تصدرت الفنانة يسرا ، محركات البحث خلال الساعات الماضية، بعد حديثها عن المخرج الراحل يوسف شاهين، خلال ندوة خاصة أقامها مهرجان الجونة السينمائي في دورته الثامنة بمناسبة الاحتفاء بمرور مئة عام على ميلاده.

ندوة يسرا في الجونة

وقالت يسرا، خلال الندوة،: «كنت ساكنة وقتها عند خالتي، وفجأة لقيت يوسف شاهين بيخبط ويدخل عليا أوضة النوم، خالتي اتفزعت وبتقولي مين ده وإزاي يدخل كده؟ قولتلها ده الأستاذ، يعمل اللي هو عايزه»، ليقول المنتج جابي خوري: وهل عمل اللي هو عايزه؟»، لترد يسرا بعفوية شديدة: «طبعا 100 % عمل كل اللي هو عايزه».

وانتشر الفيديو بشكل واسع على مواقع التواصل الاجتماعي، الذي قُوبل بانتقادات واسعة من الجمهور بعد هذا التصريح العفوي، حيث جاءت التعليقات كالتالي: «يعنى ده مش خدش حياء وتعدى على قيم الأسر المصرية والمجتمع»،«رجل غريب دخل عليها حجرة النوم ده عادى يعنى»، «مش كلام يتقال خالص بصراحة»، «يا سلام على التضحيات علشان الفن».

يسرا

بينما تحدث البعض عن أنها مجرد دعابة: «هي بتهزر يا جماعة وبتتكلم كدة عشان منبهرة بيه مش اكتر»، «هي اكيد ما تقصدش»، «تمزح يوسف شاهين فنان محترم»، «أكيد دا ذكاء اصطناعي مش معقول تقول كدا»، «قصدها في الافلام والمسلسلات اتقو الله»، «صحيح هيه واضحه تمزح بس حبيته منها».

وحضر الجلسة النقاشية من النجوم حسين فهمي، يسرا اللوزي، محمود حميدة، لبلبة، المخرج خالد يوسف، المخرج عمر عبدالعزيز، الفنانة التونسية رشا بن معاوية، المنتج محمد حفظي، روجينا، خالد عبدالجليل رئيس الرقابة على المصنفات الفنية السابق، بجانب صناع السينما وضيوف مهرجان الجونة السينمائي بدورته الثامنة.