تحدثت الفنانة يسرا عن خبر وفاة ياسمين ابنة نجلاء فتحى، ووقعه عليها وكيف أثر فيها.

وقالت يسرا فى حوارها لبرنامج «الصورة» مع لميس الحديدى إن الخبر كان صادمًا بالنسبة لها، حتى أنها شكرت الله أنها لم تنجب أطفالًا.

وأضافت يسرا فى حوارها: «صدقينى أنا النهاردة بقول الحمد لله إنى مخلفتش، لأن الحياة دلوقت مش زى زمان، الظروف دلوقت مش زى زمان».

وتابعت: «والقهرة بتاعة دلوقت بقت صعبة أوى للأسف.. يعني حد من أصحابى مثلَا نجلاء فتحى، أنتِ تعرفى أنا حٰايفة عليها قد إيه؟ واجع فى قلبى قد ايه؟».

واستكملت: «البنت دى مولودة على إيدى، أول عملية ليها أنا كنت معاها ومع نجلاء فى مستشفى إسكندرية أنا فاكرة، وكان حصل لها حـادث بسيط أخدناها المستشفى البنت كانت راضية بطريقة لا تتخيليها».

وأردفت: «فـ أنا مقهورة قهرة محدش يتصورها.. بفكر فى نجلاء طول الوقت وخايفة عليها جدًا، للأسف مكنتش فى مصر عشان أعزيها، ومش عارفة أروح لها لأنها رافضة تشوف أي حد، وأنا مقدرة ده جدًا، ياسمين ملاك، مش بشر، وقهرة زي دي أنا مكنتش هستحملها».