كتبت : أميرة خالد
وجّه الشاعر الغنائي تامر حسين رسالة شديدة اللهجة إلى أحد الملحنين، دون أن يذكر اسمه تحديدا.
تامر حسين: غلطت لما قُلت على الملحنين المُحترمين زمايلك
وكتب تامر حسين عبر حسابه الرسمي بموقع التواصل الاجتماعى «فيسبوك»: «ردًا على الملحن..، أنا فعلًا غلطت لما قُلت على المُحترمين المُبدعين مدين أو عزيز الشافعي زمايلك على أساس إنك معانا ف الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكدابة اللى بتخترعها في أي نجاح كبير يلتفت حواليه الناس وإنت لا ترتقى تبقى زميل لواحد فيهم، وانا اللى بعتذرلهمُ على التشبيه الغير موفق مني ظلمُتهم».
وأضاف: «ثانيًا لو جبت سيرتك بالخير ف أنا بعمل ب أصلى في أي لقاء وأى برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومة ولا حابقىّ مُتقلب الود زيك مع كل اللى أحسنوا إليك وساعدوك، عشان لما حد من الجمهور المحترم يشوفنى مايقولشى عليا قليل الأصل، ودى آخر مرة حاغلط وأجيب سيرتك».
وتابع: «الناس عارفه كويس وفاهمه مين فينا صادق ومين كداب بالمواقف والسنين والإحترام والتقدير، والحمد لله أنى ربنا أنعم عليا وخلانى شخص سوي وبأعقل كلامى وإحترم نفسي لا ف قلبى غل ولا حقد ولا بأعترض على اللى ربنا كاتبهُ لزمايلي ببارك للجميع بقلب أبيض مابأقللش من مجهودهم ونجاحهم».
واختتم: «دى أخر رسالة تتقالك ب إحترام ال جى حابقىّ عداني العيب، إحترم سنك إحترم نفسك احترم انك عندك أسرة مايصحش، يبقى cv من بعد ما كان نجاحات يبقى خِناقات وسيرة سيئة، لإن ماحدش حايسكُت لك تانى على أي تجاوز».
عمرو مصطفى يتهم ملحن شيرين عبدالوهاب بـ«السرقة»
كان المحلن عمرو مصطفى، شارك جمهوره، مقطع فيديو لأغنية جديدة للمطربة شيرين عبدالوهاب، من ألحان عزيز الشافعى، مشيرا إلى أن أحد العاملين معه سابقًا سرق فكرة اللحن الخاصة بالأغنية وقدمها للأخيرة.
ونشر «عمرو» مقطع الفيديو بصوت الفنانة شيرين عبدالوهاب عبر «فيسبوك»، وكتب: «ألحان عمرو مصطفي، غير مصرح لها بالنشر، صباحكم فل، واللحن اتسرق فكرته في أغنية لشيرين جديدة، من حد كنت مربيه عندي بس كله هيتحاسب في وقته».
أحدث التعليقات