كتبت : مريم يعقوب
حكى الفنان ماجد المصري، عن قصة تعارفة على زوجته رانيا، موضحًا أن زواجهما تم في شهر واحد.
ماجد المصري: يوم الجمعة قرينا الفاتحة اللي بعدها الخطوبة وبعدها كتب الكتاب
وقال ماجد المصري، في تصريحات لـ«Gossips»: «كانت آخر سنة في الجامعة، وكان في فرق بينا، وحسيت إني لو طولت في الخطوبة ممكن والدها يغير رأيه وياخدوا بالهم، يوم الجمعة قرينا الفاتحة، اللي بعدها الخطوبة وبعدها كتب الكتاب».
وأضاف : «رانيا من طنطا هي بنت خالة صديق عمري، دايما لما كنت بكون موجود في أفراح العيلة كانت بتبقى موجودة، كنت دايما أهزر وأقول أنا هخطب البنت دي لما تكبر، هي كانت بتحبني من أيام مسلسل «لدواعي أمنية» بس هي أخدت الجملة بجد وأنا كنت بهزر، حتى وقتها زمان بعد ما انفصلت عن أم أولادي كنت خاطب فنانة وحضرنا فرح هي كانت موجودة فيه وعرفت بعدها أنها كانت متضايقة».
ماجد المصري: صاحبي قالي إنه خطبها لكن طلع بيشتغلني
وتابع: «كنت في عيد ميلاد ماهيتاب بنتي وصاحبي عزم رانيا بنت خالته، لقيتها داخلة قلت إيه ده مين الوحش اللي داخل ده.. مين دي عرفت أنها رانيا وقلت هخطبها صاحبي قالي إنه خطبها، قلت له هتسيبها وأقسمت بالله إني هخطبها، لكن طلع بيشتغلني، ورحت اتصور معاها سألتها إنتي مخطوبة لحمادة قالت لي أه، قلت لها أنسي وقعدنا نهزر وبدأنا نتكلم وربنا أكرمني بيها».
أحدث التعليقات