كتبت :أميرة خالد
أعلن المطرب أبو، عن تأجيل طرح أغنيته الجديدة التي تحمل اسم «الحرب العالمية»، بسبب الأحداث الجارية في لبنان، إذ كان من المقرَّر طرحها امس الأربعاء.
أبو يؤجل طرح أغنية «الحرب العالمية»
ووجه «أبو» من خلال مقطع فيديو طرحه عبر حساباته الرسمية على مواقع التواصل الاجتماعي، للجمهور رسالة اعتذار قال فيها الآتي: «النهارده كان المفروض تنزل أغنية الحرب العالمية، وأنا بعتذر لكم بسبب الأحداث الإرهابية اللي بتحصل من الكيان المحتل في لبنان».
وأضاف: «بس ده برضه ياخدني لموضوع إن الفن سواء المرئي أو المسموع.. فيلم تمثيلية، لوحة فنية، أي كان نوع الفن، يعتبر النفس اللي بتاخده الناس بعد زحمة الحياة والتفاصيل والمشاكل اللي بيعيشوها في حياتهم اليومية، بيبقى الواحد عايز ياخد براح ونفس إن يروح يقرأ قصة أدبية أو يتفرج على تمثيلية أو يسمع أغنية أو يحضر حفلة».
وتابع: «أنا اللي اخترت تأجيل الأغنية دي بصفة شخصية بعد ما كان عندي مكالمات مع أصدقائي في لبنان، وشفت إن الدنيا عندهم بجد صعبة.. حسيت إني مش هقدر أنزل الأغنية، بس ده مش معناه إن أي حد هينزل أي عمل فني غلطان في أي حاجة لأن زي ما قلت لكم الفن هو الحتة اللي الناس بتروح لها عشان تهرب من صعوبة واقع الحياة».
أحدث التعليقات