كتبت:أميرة خالد
تحدث الفنان أحمد سعد، عن عودته ومصممة الأزياء علياء بسيوني، ولكن أصبحا مخطوبين، ليس مطلقين، كما لم يرد علياء لذمته مرة أخرى.
وقال أحمد سعد، خلال تصريحات لبرنامج «الحكاية» الذي يقدمه عمرو أديب، عن علاقتهما: «اللي حصل بصراحة، إني عايز أقول خبر حلو عني، لأن آخر فترة كانت أغلب الأخبار سلبية، وكأن حياة الفنانين مشوهة، وقررت أنا وعليا الابتعاد عن كل المؤثرين علينا».
وتابع: «قررنا ننسى كل شئ سئ أيًا منّا قاله للأخر في لحظة زعل، ويعطي لكل منّا فرصة للآخر أن ينظر له بعين اهتمام من أجل الأطفال، وكرستيانو رونالدو مش أحسن منيّ، وإحنا حاليًا مش عايشين مع بعض».
وأضاف: «إحنا هنتجوز بس هنعمل فرح كبير ونعزم فيه ولادنا عشان يحضروا فرح أبوهم وأمهم وهتبقى مناسبة جميلة إن الولاد يتبسطوا معانا، وهعمل فرح كامل إن شاء الله ولادي يكونوا لابسين نفس فستان والدتهم، وأنا ابني يلبس زيّ، يعني الولاد يحضروا الفرح».
وعن تعرضه للسرقة تابع: «أنا اتسرقت في إيطاليا، سرقوا مني ألماظ، اللي الناس شافوهم وقالوا إن أحمد سعد لابس شبكة العروسة، وأنا عايز أقول أنا لو مش فنان، مش هيكون عندي حاجة ألماظ ولا حاجة غالية، والكوليه دا حوالي 30 قيراط ألماظ، وأنا عايز أقول بجد عظيمة يا مصر».
واختتم أحمد سعد تصريحاته، بالحديث عن أعماله الجديدة، إذ قال: «أنا بحضر ألبوم حزين هينزل في الشتاء، وكله درامي، وبوعد الناس بشكل مزيكا جديد ومختلف جدًا».
أحدث التعليقات