كتبت: مريم يعقوب
هاجمت الإعلامية دعاء فاروق فكرة إنتاج مسلسل يحكي عن حياة «سفاح التجمع»، معتبرة أن هذا النوع من الأعمال يروج للعنف ويسلط الضوء على شخصيات مؤذية.
نشرت فاروق فيديو عبر انستجرام تساءلت دعاء: «ليه بنعمل مسلسل عن سفاح التجمع؟ هو القصص المفيدة انتهت؟».
استطردت دعاء حديثها: : «حتى المحامين رفضوا الترافع عنه بسبب بشاعة جرائمه، وأنتم تبحثون عن ممثل يقوم بهذا الدورمن عظمته؟».
أشارت: «والشاب ده مش له ابن وأم وأهل؟، بتوثقوا حياة مين؟، إيه فكرة توثيق حياة الناس المريضة المؤذية، طبعا هيطلع العظام يقولوا إيه اللي فهمك أنتي؟ السينما العالمية كلها قتلة متسلسلين، طيب أنتوا عندكوا علم أن سفاح التجمع كان بيتفرج على سلسلة أفلام معينة وبيعمل زيها، مش كفاية واحد؟».
اختتمت: «إيه الحب في أفلام الرعب والقتل، بتاكلوا فيشار وتتفرجوا على أفلام دم وقتل، طيب لو الإنسان متصالح ومش هيقلد هذا الشخص، أعمل حساب اللي عنده مرض نفسي وممكن تلزق فيه الشخصية ويعملها في الحقيقة مش خايفين على ولادكم، عدمت المشاكل الاجتماعية اللي نعرف نطرحها عادي، وبعدين لما أسمع أنهم هيحملوا قصة خالد بن الوليد يقولك ده نموذج مينفعش يتعمل عشان الدموية».
كشف الكاتب جوزيف فوزي، مؤلف مسلسل سفاح التجمع»، أن العمل الدرامي قد اكتمل نصفه، وأن شركة الإنتاج تواصل اختيار طاقم الممثلين.
أوضح أن القضية لاقت اهتمامًا كبيرًا من المؤلفين المصريين، ولذلك قرر كتابة السيناريو سريعًا.
أحدث التعليقات