كتبت : أميرة خالد
كشف الفنان محمد محمود عبدالعزيز عن ذكرياته مع والده الفنان الراحل محمود عبدالعزيز وكواليس تصويره لأول مشاهده في فيلم إبراهيم الأبيض.
وقال في لقائه مع الإعلامية إسعاد يونس، في برنامج صاحبة السعادة: «والدي الله يرحمه كان متخوف جدا من الكاراكتر لأنه مكنش له مرجعية يعود إليها».
وتابع: «نزل أول يوم تصوير، ولاقيته بيكلمني الساعة 4 أو 5 الفجر، وكنت لسه مروحتش البيت، كلمني في التليفون، وقالي عايزك تيجي لي التصوير لأني حاسس إني مش ماسك الشخصية مظبوط وعامل الدور أوفر»
وأوضح: «ذهبت له وكان بيصور أول مشاهده في الفيلم، وبعد ما شاهدت المشهد قلت له بعد إذنك هروح أنام لأني تعبان جدا».
واستطرد: «قال لي يا جدع أنا قلقان وحاسس إني أوفر، قلت له :«أبوس إيدك خليك زي ما أنتا، لو أنتا شايف أنك أوفر، خليك على نفس الأفورة دي».
وأردف:«الموقف ده عرفني قد إيه رأيي بقى مهم بالنسبة له بذات في المرحلة دي».
أحدث التعليقات