كتبت: هبة الطوخي
كشفت الفنانة أميرة أديب عن رد فعل داليا شوقي بعد تجسيد دورها في الجزء الثاني من مسلسل “وبينا ميعاد“.
وخلال لقائها مع برنامج “جوسيبس”، قالت أميرة أديب ” كلمت داليا شوقي قولتلها إنتي تمام؟ أنا جالي الدور قالتلي أه ربنا معاكي ولو عوزتي أي حاجة كلميني واطمنت عليا بعد ما مضيت وكانت جميلة جدا وقالتلي الدور دا بتاعك ورزقك… أنا بحبها أوي وكنت من معجبيها في الجزء الأول من المسلسل“.
وعن شخصية “هند” التي تجسدها أميرة أديب بدلا من داليا شوقي قالت “حبيت أضيف ليها من شخصيتي من خلال الورق اللي جالي لكن ان شاء الله الناس متحسش بفرق كبير في الروح“.
وعن فكرة إنجابها للكثير من الأطفال قالت أميرة أديب “أنا أخرى 2 لكن نفسي أتبنى أوي وهزرع فيهم حب القراية وهتصاحب عليهم زي أمي ما عملت معايا ومش عايزاهم يخافوا مني، وبكتب ليهم جوابات من دلوقتي للأماكن اللي بروحلها والحاجات اللي بعملها“.
وشاركت أميرة أديب، بديلة للفنانة داليا شوقي، التي قدمت شخصية هند خلال أحداث مسلسل وبينا ميعاد.
حيث أعلنت داليا شوقي اعتذارها عن استكمال الشخصية، وكتبت عبر حسابها الشخصي بموقع إنستجرام: كان سر كبير وتقيل بس أعتقد دلوقتي كلكم عرفتوه، بالنسبة لي هند حكايتها خلصت في أول جزء من وبينا ميعاد، مقدرتش أكمل لتغيرات جذرية من وجهة نظري عن الشخصية وفي أشياء تانية كتير.
مسلسل “وبينا ميعاد 2” بطولة الفنانة شيرين رضا، والفنان صبري فواز، وعدد كبير من نجوم الفن ومن إخراج هاني كمال.
يذكر أن مسلسل “وبينا ميعاد” الجزء الأول بطولة كل من شيرين رضا، صبري فواز، مدحت صالح، وفاء صادق، محمد سليمان، بسمة، تأليف وإخراج هاني كمال.
أحدث التعليقات