كتبت : أميرة خالد
بكلمات مؤثرة نعت الفنانة رانيا فريد شوقي، رحيل والدتها سهير ترك بعد مرورة 40 ليلة على وفاتها، وكتبت عبر حسابها الخاص على موقع التواصل الإجتماعي فيسبوك: «أربعين يوم يا أمي مشفتكيش ولا دخلت في حضنك ولا سمعت صوتك وكلامك الحلو وهزرنا وضحكنا مفتقده ضحكتك الحلوة اللي طالعه من القلب بتسعد ايامي ولا سمعت دعواتك اللي بتنور قلبي وطريقي»
وأضافت رانيا فريد شوقي: «كنت دايمًا بحكيلك وافضفضلك بكل اللي جوايا فرح أو زعل ومازلت والله بكلمك بس مع نفسي لأني مش لاقياكي بس بقول اكيد سمعاني وحساني أنا يا أمي كتير بنسي وقول انا ماكلمتش أمي النهاردة اطمن عليها وعندي كلام كتير احكيهولها، ألاقي نفسي تايهه ماشية اكلم نفسي، هو اللي انا فيه ده بجد وهو انا اتحرمنت منك بجد، يعني مش هشوفك تاني أنا، ولا حاجة من غيرك انتي نور عيني وسندي ودنيتي اللي بحس فيها بالأمان والحب والطيبة والراحة».
وتابعت: «عارفه أن الموت علينا حق وأن الأعمار بيد الله انتي كنتي دايمًا بتدعي ربنا يديكي عمر على قد صحتك وربنا استجاب لدعوتك كل حاجة حصلت بسرعة ربنا يجعل مرضك وألمك في ميزان حسناتك، انا حلمت بيكي كنتي قمراية وبتضحكي ومبسوطة يمكن حلمي ده هون شوية وبدعي ربي اشوفك كل يوم في الحلم، وافضل معاكي مصحاش انا عارفة انك مع كل حبايبك وأولًا وأخيرا مع أرحم الراحمين يارب الصبر من عندك يارب لا حول ولا قوة إلا بالله العلي العظيم».
أحدث التعليقات