كتبت: ريهام محمد
أقيم اليوم ضمن فعاليات الدورة السابعة من مهرجان الجونة السينمائي حلقة نقاشية بعنوان «علاقة الدراما بالمجتمع والجمهور».
تحدث خلال الحلقة النقاشية المخرج كريم الشناوي، نيللي كريم، يوسف الشريف، شريف عبد المسيح، سلمى الفوال
ويدير الحوار مينا النجار.
في البداية تحدثت الفنانة نيللي كريم عن أعمالها الفنية واختيارها لها وتأثيرها على المجتمع وقالت:»في الأول كنت بدور على دور من 25 سنة، بعد كده فهمت يعني إيه تعمل قصة حلوة، أنا دايما بدور على قصة فيها عمق بتتأثر بيها وأنت بتقراها، أنا مش بدور على قضايا أي قصة فيها مشاعر الحدوتة الحلوة في السينما والدراما بتكون فكرة عندك ويجيلك إحساس ما».
وتابعت نيللي كريم: «زي مسلسل» سجن النسا» هي قصة بس من خلالها الجمهور اتعرف على مشاكل الستات اللي بتدخل السجن مش كلهم قتالين قتله ولا بيسرقوا، بعد المسلسل في ناس اتبرعت وجابت جهاز غسيل كلى في مستشفى السجن، ومثلا مسلسل «تحت السيطرة» أنا مخترتوش هو اللي اختارني.
وأكملت ساعات أنت بتسعى لمسلسل وساعات القصة بتجيلك، والمسلسل دا من انجح المسلسلات على المستوى الاجتماعي الناس كانت بتوقفني في الشارع تحكيلي عن حاجات وقصص متشابهة مروا بيهت، مرة كنت بشتري ساندويتش من مكان صاحبه قالي أنا عازمك افتكرت أن دا عشان أنا نيللي كريم قالي أنا بعد ما اتفرجت على المسلسل عرفت أن ابني مدمن وعالجته فبشكرك، ودي حاجة أثرت فيا».
أحدث التعليقات