كتبت : اميرة خالد
خرجت هند ابنة الفنان الراحل سعيد صالح عن صمتها، وردت على تصريحات الفنانة آمال رمزي المثيرة للجدل عن والدها.
قامت هند بنشر ردها عبر حسابها الرسمي على موقع “فيسبوك” قائلة: “يا مدام امال، كلام حضرتك عن بابا وبطريقة غير مباشرة عن أمي ما بيعكسش غير طريقة تفكير ونمط أخلاقي بيقيس بالممتلكات، مين عنده كام ومين اشترى ايه ومين ابن مين، ما شاء الله ولا قوة إلا بالله ربنا يبارك له فيما رزق”.
استطردت هند حديثها:” أنا بحمد ربنا أني بنت راجل محبوب من جمهور أغلبه ماشافوهوش وجهًا لوجه ولا حتى عاصروه، وكل اللي بينهم وبينه ضحكة رسمها على وشوشهم في يوم من الأيام، الجمهور ده ردها لبابا في ردهم على حضرتك، بشكرهم من كل قلبي وإن شاء الله يكون ربنا سخرهم للدعاء لبابا، هم ردوا غيبة متوفي قبل ما يردوا غيبة فنان بيحبوه، بس أنا لسه ماردتش”.
لم تكن فقط ابنة سعيد صالح التي استاءت من حديث آمال رمزي، حيث اعترضت الفنانة ميمي جمال على وصفها لها بأنها “مليونيرة”.
علقت ميمي جمال قائلة:” هو أنا لو مليونيرة هانزل اشتغل في عز الحر وأتعب؟ ما أنا أروح اشتري بيت في اليونان واستجم بقي، مين قال إن أنا مليونيرة؟ وهو تعرف عني إيه عشان تقول كده!”.
أحدث التعليقات