كتبت :أميرة خالد
كشف الشاعر والسيناريست مدحت العدل عن إعادة تقديم أوبريت الحلم العربي يوم الأحد القادم 29/ 10.
وأضاف في لقاءه مع et بالعربي:«الحقيقة فيه ناس دايما تسألني سؤال هو أنتم هتقعدوا تغنوا؟ أيوه إحنا شغلنتنا نغني وإلا اللي بيخبز ميخبزش واللي بيروح لدكتور ميروحش للدكتور، دي شغلنتنا لكن إحنا المرة دي إحنا عاملين حفلة مذاعة على أكثر من محطة، وهنجمع تبرعات لأهلنا في غزة وهنقدم القدس هترجع لنا والحلم العربي وهيبقى فيه نجوم كبار هيغنوا عن فلسطين، وهتبقى يوم الأحد القادم في دار الأوبرا المصرية».
وتابع:«قدمت دعوة لكل حساباتي الشخصية على مواقع التواصل الاجتماعي ومن خلال لقاءاتي التلفزيونية اللي عايز يجي يشارك أهلا وسهلًا، اللي تمنعه الظروف هنشوف بديل له وفي النهاية تبقى أغنية الحلم العربي، المعنى نفسه أهم من اللي كتب ولحن وغنى إحنا بنتكلم على معنى قبل ما نتكلم على شخصنة عمل».
واستطرد:«أعتقد الزمن متغير، أنا هشيل جزء منه مش هيبقى بنفس الطول ده، هيبقى فيه شوية تغييرات تلائم روح العصر لكن إنشالله هيبقى له نفس التأثير، الأغاني هتبقى القدس هترجع لنا والحلم العربي وأنا هلقي شعر والشاعر جمال بخيت هيلقى شعر وأنغام ممكن تغنى وفيه ناس هتغنى لفيروز والحفلة كلها أرباحها لفلسطين وعزة».
وأردف:«ليس لأحد حق في أي عمل فني إلا المؤلف والملحن أصحاب هم الحقوق الإبداعية لأي عمل حتى شركة الإنتاج ملهاش الحق، فالحلم العربي حقي كمؤلف وحق صلاح الشرنوبي وحلم بكر كملحنين».
أحدث التعليقات