كتبت: أميرة خالد

دخلت الفنانة عفاف رشاد بيوت المصريين من نافذة التليفزيون، وشاهدوها في دور العمة والأم والجدة والصديقة فأحبوها في هذه الأدوار، وظلت محافظة على هذا الود باختيارها أدوارها ومظهرها وملابسها، وانعكس هذا على شخصيتها الملتزمة ببيتها المحافظة على أسرتها بعيدًا عن الشهرة والأضواء.


تحدثت الفنانة عفاف رشاد و صرحت بتصريحات لاحدى المواقع الفنية و كشفت عن رأيها حول عمليات التجميل قائلة:” أنا ضدها جدًا، الناس قعدت تقول إني عملت عملية تجميل ومش عارفة إيه وأنا مفيش الكلام ده خالص ، الكل حاول يكلمني وقتها علشان يشوفوني ويعرفوا أنا عملت عمليات ولا لأ، لكن أنا مش هطلع أقول إني مش عاملة عملية تجميل، وأكيد في حاجات كتير في البلد أهم من ده، ومفيش أحلي من خلقت ربنا ولا تقوليلي فيلر ولا بوتكس، منلعبش في خلقه ربنا عشان جميل”.


تحدثت عفاف رشاد عن حياتها الشخصية و خصوصا ابنها مسترسلة:”أكبر مجهود بالنسبالي عملته إني قدرت اربي ابنى عمر و اكبره، أنا قعدت من الفن ست أو سبع سنين علشان أقدر أخليه حد كويس وقعدت أربيه لحد ما خليته دكتور زي ما أنا عايزة، وأنا لا اتجوزت بعد طلاقي من بابه ولا ارتبطت بأي حد، أنا ارتبط بابني علشان هو ابني وحبيبي وكل ما ليا”.


استطردت ايضا عفاف رشاد قائلة:” أنا لو كنت سيبت ابني ورميته وضيعته وقعدت أشتغل وأعمل بطولات كنت هكسب إيه من الفن، أنا حبيت أربي جيل للمجتمع، يوم ما أحس إني تعبانة ومش قادرة أقوم من سريري هروح لابني علشان يداويني، و الأكيد هعجز ومحدش هيخدمني غير ابني”.