كتبت : مريم يعقوب
قام المخرج كريم العدل بنشر منشورا عبر حسابه الشخصي بالفيسبوك موضحا و مستاءا من
الفنانين بسبب وضع أجورا مبالغ فيها لأنفسهم حيث قال:«الحمد لله رب العالمين، امبارح اتبعت لي ليستة تسعيرة الفنانين، وحسيت بإهانة شخصية ليا وللفنانين بشكل عام، وعقلي مش قادر يستوعب إن إحنا كده بنقف مع الصناعة، زى ما بيتم الترويج للموضوع».
استكمل العدل مضيفا:«فكرة إن فيه شخص قاعد بيصنفنا لشرائح A وB وC وكمان يتم وضع استثنائات لأسامي فنانين بعينها، إن ملهمش سقف ويطلبوا اللي هما عايزينه، وإحنا المفروض نتقبل ده عادي، شيء في منتهى الإهانة الحقيقة، مين اللي بيصنفني وبيصنفني على أنهي أساس؟!،الموضوع بالنسبة لي شيء حزين وغريب ومش مفهوم، وأحب أكرر وأعيد كلام الزميل والصديق المخرج كريم الشناوي: لو شركات الإنتاج عايزين فعلا يقفوا مع الصناعة يبقى نناقش بالمرة حقوق العاملين، وظروف العمل، التأمين على الصناع أثناء تنفيذ العمل، ممكن كمان نفتح مناقشة على حقوق الصناع الأدبية والمادية في إعادة البيع والبث لأعمالهم».
وواصل: «لما المناقشة يبقى فيها كل ده يبقى إحنا بنقف مع الصناعة، لكن لما تبقى القرارات لها علاقة بتقليل الأجور أو وضع شرايح للأجور يبقى إحنا الحقيقة بندمر الصناعة».
اختتم كلامه مستطردا:«بنفقدها ميزة تنافسية كبيرة وبنطفش الصناع اللي هيحاولوا يلاقوا ظروف أفضل لصنع أعمالهم، حل الصناعة فتح السوق مش وضع حد أقصى للأجور، السوق الحر التنافسي هو الحل غير كده تضييع وقت».
يذكر أن آخر أعمال كريم العدل في السينما هو فيلم العميل زيرو الذي تم طرحه مؤخرًا، وشارك فيه عدد كبير من النجوم أبرزهم أكرم حسني، بيومي فؤاد، أسماء أبو اليزيد، مصطفى غريب. ومنذر ريحانة والشابات السعوديات فاطمة البنوي وفيدرة وأيمن طعمة وإسماعيل فرغلي. وأيمن الشوي.
أحدث التعليقات