كتبت: مريم يعقوب

طلبت المطربة اللبنانية إليسا من القضاء اللبناني إغاثتها بعد الاستيلاء على قناتها الخاصة عبر موقع الفيديوهات «يوتيوب»، وذلك من شركة روتانا للصوتيات والمرئيات.

كتبت إليسا، عبر حسابها الشخصي بموقع التدوينات القصيرة X (تويتر سابقًا): “حضرة رئيس مجلس القضاء الأعلى، حضرة مدعي عام التمييز، حضرة رئيس التفتيش القضائي فيكن تخبروا الشعب اللبناني كيف الواحد بيوصل لحقو بهيدا البلد لما قناتي على يوتيوب مستولي عليها شركة من دون أي سند، طالع قرار بحقها بتسليمي إياها من القضاء المدني وما ردت، واليوم ومن بعد تحقيقات لأسابيع أخذ قرار محامي عام بتسليمي قناتي وتطبيق القانون، وأوقف صاحب الشركة لي رفض حتى تنفيذ إشارة المحامي العام، وبسحر ساحر بتتصل غادة عون بالمحقق وبتلزمه يترك صاحب الشركة ويقفل المحضر حتى من دون ما تتطلع على ملفي! هيدي بأي بلد بتصير.. وللحديث تتمة”.

تصدر هاشتاج حق إليسا الترند في لبنان حيث علّق أحدهم : “صديقتي انت كنتي من اكتر الناس لسنين بتدافعي و بتساندي و بتدعمي الناس توصل لحقا، بس كلنا بنعرف انو لو القوانين و القرارات الصادرة بتتنفذ من دون تدخلات شخصية و سياسية كنا و كان بلدنا بالف خير ! بس الأكيد انو صاحب الحق سلطان و الحق ما بيموت”. وقال غيره : “عيب يلي عم يصير بحق فنانة متل #اليسا … اكتر فنانة بتنادي بحب #لبنان و رافعة اسم بلدا بكل العالم المفروض تكونو سند و داعمين الها مش العكس”.

يُذكر أنّ هذة الأزمة ليست الأولى من نوعها سبق وأن حذفت الشركة إعلانات أغنيتها الجديدة أنا بتمايل على الـ Beat؛ وذلك بسبب عدم إتمام عقد إليسا مع الشركة، وعلقت إليسا على حذف إعلاناتا الأغنية، قائلة: كل الكلام اللي عم ينحكي عن الألبوم والأغنية والتيزر غير صحيح والحقيقة أبسط من كل هالروايات، وتوقعوا تصدر الأغنية ومن بعدها الألبوم بأي وقت وبتتأكدوا ساعتها إنه ما في شي صحيح من كل اللي انقال.

علقت إليسا، على عدم إتمام عقدها مع شركة روتانا، وكتبت عبر حسابها بموقع X: تفاصيل صغيرة بس مهمة حالت دون توقيع العقد مع شركة روتانا! روتانا عيلتي وما بقبل أي شي ينزع علاقتي فيا، بس حتى بقلب العيلة في اختلاف بوجهات النظر! كل تأخيرة وفيها خيرة، فشوية تأخير وراحة بال أطول أحسن أكيد بتمنى تتفهموا هل الشي.