كتبت :مريم يعقوب

تحدث الفنان وائل عبدالعزيز عن طلاق شقيقته ياسمين عبدالعزيز ورفضها الإفصاح عن سبب الطلاق من الفنان أحمد العوضي.

تصريحات وائل عبدالعزيز عن طلاق شقيقته ياسمين عبدالعزيز

قال وائل عبدالعزيز ببرنامج «بودكاست سبوت لايت»: «إن ياسمين لا ترد على الانتقادات الموجهة إليها والأسئلة المتداولة حول أسباب طلاقها من الفنان أحمد العوضي، وأنا لو أعرف مش من حقي إني أقول ولا هى تقول، دي حاجة ترجع لها».

وأضاف: «إللي هيتكلم على ياسمين بشكل إيجابي بيتكلم عليها كويس، لكن إللي يتكلم عليها بشكل سلبي ليه تتكلم عليها سلبي؟، ومش من حقك تبقى القاضي وإنك تحكم وإنك تعمل، أنا لما بطلع أرد برضو بيكون في إطار المسموح ليا وفي حدود الإخوة اللي بيني وبينها».

واستكمل: «المشاكل اللي بتحصل لأي حد في حياته هى جزء من حياته، مش مسموح لأي حد يعرفها، ممثل أو فنان أو مذيع أو جمهور مش من حقك تعرفها، آه من حقك تقول خبر كمذيع، لكن أسبابه مش بتاعتك، هما ليهم أسبابهم، وقدرها ده حصل».

وختم وائل عبدالعزيز حواره قائلًا: «أنا مش بحب الكلام الكتير الزيادة، الموضوع حصل وانتهى وربنا يوفق الناس، أنا مهمتي كأخ إني أقول الصح صح والغلط غلط مهما كلفني الأمر»