كتبت :أميرة خالد
دعت الفنانة فيدرا الجمهور العربى لمقاطعة المنتجات الأجنبية، التى تدعم إسرائيل، دعمًا لأهالى غزة والقضية الفلسطينية، وطالبت جمهورها بألا يستهين بسلاح المقاطعة لأنها مهمة جدا.
ونشرت فيدرا مقطع فيديو عبر حسابها الرسمى بموقع التواصل الإجتماعى «X» تحدثت خلاله قائلة: «أنا مقدرش أحس إنى بساهم ولو بجنيه لشركة صهيونية، أو شركة تدعم الصهيونية، الحقيقة أن فى ناس بتقولى طب أخبار الفيسبوك والانستجرام وآبل والحاجات الـ it والتكنولوجى هتعملى فيهم إيه، هقولهم إنى هستخدم كل الحاجات دى لأنى مش لأيالها بديل عربى أو مصري، وفى فرق كبير بين إنى أقاطع أكل وشرب بملى بيه بطني، وإن أنا أقاطع تكنولوجى ممكن أستخدمها سلاح ضدهم لأنى معنديش سلاح بديل».
وتابعت: «أنا دلوقتى عندى platforms على السوشيال ميديا، وعندى موبايلى واللاب توب الحاجات دى مالهاش بديل، وفى نفس الوقت مش بستخدمها عشان أتسلى، الحاجات دى بستخدمها عشان أنشر بيها القضية الفلسطينية، وهستخدمها سلاح فى إيدي، هما ادونى سلاح ف إيدى ضدهم، دى مش أكل وشرب وشيكولاتة وقهوة دى حاجات مهم نستخدمها ونعلى صوتنا من خلالها هما ادونا حاجة هنستخدمها ضدهم».
أحدث التعليقات