كتبت : مريم يعقوب

ردت الفنانة بدرية طلبة على المشككين في صحة الرسائل التي نشرتها بالأمس، والتي كشفت عن تلقيها دعوة في مارس الماضي من إحدى القنوات الإسرائيلية، لحضور الاحتفال باليوم الوطني الإسرائيلي، مقابل مبلغ مالي بالدولار الأمريكي تصل قيمته إلى أكثر من مليون جنيه مصري.

ردت بدرية طلبة على الانتقادات التي تعرضت لها عبر حسابها الرسمي بموقع تداول الصور والفيديوهات «إنستجرام»، قائلة: «السلام عليكم أزيكم أنا بس عايزة أقول كلمتين عشان لا هطلع في مداخلة مع حد ولا هجاوب على أسئلة حد، ده بالنسبة للسادة اللي بيتصلوا بيا عشان الاستفسار، بالنسبة للمشككين أنا قاعدة في أمان الله لاقيت على الواتساب الرقم أنا مش واخدة بالي مين اللي بيكلمني».

أضافت طلبة قائلة: ولا في إيه، ومعرفتش الرقم ده منين إلا بعدها بيوم أو يومين، لاقيت واحدة زي ما أنتوا شايفين في الشات بتقولي أنهم عايزيني في حفلة رديت وقولت أشوف للآخر يمكن حد عامل مقلب زي ما بيقولوا.

واصلت بدرية حديثها: بس أيًا كان أنا رديت باللي يمليه علي ضميري من ناحية الناس دول ومن ناحية بلدي، يعني أنا ست وطنية ومحدش يشكك في ده نهائي يعني الحمد لله مش محتاجة أني أطبل لبلدي لأن دي بلدي اللي عايشه فيها واللي محمية فيها وبمثل اسمها في أي دولة بروح فيها برا،على فكرة اللي أنا عملته ده غلط عليا أني أنزل شات لأن أنا بسافر دول ببقى ماشية ممكن جنبي حد إسرائيلي، بس أنا محتفظة به من شهر 3، وكاتبة لي الحفلة 25 إبريل 2023، أنا منزلة الشات لسبب بعد 7 شهور لما لاقيتهم».


استرسلت بدريه حديثها :: «بيتطاولوا على الأستاذة الفنانة الميجا ستار صوت مصر أنغام، وأنتوا بتتطاولوا عليها وبتهددوها وبتقولوا إحنا هنبيدكم زي ما أبادنا الفلسطينيين، ده أنتوا أهو جيتوا لي عايزني أروح حفلة وأنا ظبطتكم وده الهدف من أني أحط الشات اللي عندي موجود عندي من 7 شهور،واللي بيشكك عشان مكتوب اليوم لأن أنا عملت أسكرين في نفس اليوم اللي رديت فيه يا أبو المفهومية يا أبو العُريف فكر وبعدين أتكلم، والرقم عند حضراتكم موجود، لكن أنا اكتشفت أن فعلًا من نفس المكان طيب أنتوا بتشتغلوني ليه وكمان برقمكم».

اختتمت بدرية حديثها:” «أنتوا عيب عليكم أنكم تدخلوا برقمكم تكلموا فنانة مصرية وتديكم على دماغكم وهو ده المقصود، وأنتوا عارفيني ماشية بمبدأ أنا وأخويا على ابن عمي وأنا وابن عمي إلى الغريب لكن واضح أن اللي مش عاجبك الموضوع وواخده على صدره أوي أنت واطي دي بتاعتك أنت مش حابب أن يكون المصرية زيها زيك دمها دمك وتكون جدع فـ دي بتاعتك، أنا معروف عني».