كتبت:أميرة خالد
أوضح الفنان تامر حسني أنه لا يربط أعماله الغنائية بحياته الشخصية، مشيرا إلى أنه يكن كل الاحترام والتقدير لزوجته السابقة ووالدة أطفاله بسمة بوسيل.
وكتب تامر حسني، عبر حسابه الرسمي بموقع التواصل الاجتماعي «فيس بوك»: «ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده، رغم الظروف الحالية.. مازلت أكن لبسمة كل الحب والاحترام».
وأضاف: «ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر، تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم».
واستكمل قائلا: «بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا».
واختتم تامر حسني حديثة كاشفا عن مفاجأة لجمهوره قائلا: «ده لسة في أغاني توجع أوي نازلة قريب إن شاء الله.. كده مش هنزلها».
ومن جانبها علقت الفنانة بسمة بوسيل على رسالة الفنان تامر حسني، بعد حديثه عن عدم ربط أععماله الغنائية بحياته الشخصية.
وكتبت بسمة بوسيل عبر خاصية «ستوري»، بحسابها الرسمي بوقع «إنستجرام»، وقالت: «يا تيمو أنت كمان عندي زي ما أنا عندك وربنا يوفقك في شغلك».
يذكر أن الفنانة بسمة بوسيل أعلنت مؤخرا انفصالها، عن الفنان تامر حسني وكتبت: «وجلعنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بيننا كل ود واحترام وربنا يكتبلك ويكتبلي كل الخير.. آمين يارب».
ليرد عليها تامر حسني: «وجعلنا بينكم مودة ورحمة بين الأزواج في كل حالاتهم سواء تزوجوا أو لم يقدر الله الاستمرار فانفصلوا بالاتفاق الطيب، سيظل بيننا الاحترام والتقدير، 12 عاما من الزواج مش هينة، ربنا يكتبلك كل الخير يا بسوم، سأظل الأب والأخ والصديق والسند، في حفظ الله».
أحدث التعليقات